2TAWARIKH 8:16 - Susula Malalaok Hehelu Palak Ma Hehelu Beuk

¹⁶ Boema Salomo tao nakababasak basa dale tutu'un soaneu uma ndia nafofo'an-na. Basa tatao-nono'ik lala'en-na, mulai neme kali uma laten-na losa Manetualain Uman-na basan, ana tao nakababasak-kana no malole so.

2TAWARIKH 8:16 ပူးပေါင်းရင်းမြစ်များ

1RAJA-RAJA 5:18

Basa Salomo hataholi manatao-no'in ma Hiram hataholi manatao-no'in boema hataholi fo leme Gebal mai a, ala sadia batu ma ai soaneu lafofo'a Manetualain Uman ndia. Tutui na leondiak.

1RAJA-RAJA 6:37

Ala tao Manetualain Uman ndia fanderen na ndek bula Ziw, fo nde hataholi Yahudi-la bula ka duan-na, nai Salomo paleta teuk-ka haa na dalek.

1RAJA-RAJA 6:38

Ma nai bula Bul, fo nde bula ka falu, nai Salomo paleta teuk-ka sanahulu esa na dalek Salomo nafofo'a basa Manetualain Uman ndia fo nandaa no ana tutu'u basa ka so. Uma ndia tatao na na'a teuk hitu.

1RAJA-RAJA 6:7

Balok sila-la ala pake ai kaiou Libanon. Lelesu leo kama-kama nana popo-tamak manai ta'dak dae, nai boboan kona, ma soaneu leo ta'da ka dua ma ka telu a, hapu e'dak manadopelele'uk. Basa boema Salomo tao uma ndia hunun-na. Soaneu uma hunuk ka ana pake papak de nakalele'as sama leo kaiisu dui ka ma ana pake papak ai kaiou Libanon. Lelek Manetualain Uman ndia nananafofo'ak, ta tamanene taka-besi lii na fa, nana batu fo nanapakek soaneu uma ndia nafofo'a na, nanasadia basak nai lelek bei lai mamanan-nala. Leondiak Salomo nafofo'a Manetualain Uman ndia losa basan.

2TAWARIKH 8:15

Basa Dauk fe natutu'duk neu basa imam-mala ma hataholi Lewi-la la'eneu gudang-ngala, ma dede'a fe'e-fe'ek-kala, ana tungan no matetun-na.

2TAWARIKH 8:17

Basa ndia boema Salomo neu leo Ezion-Geber ma Elot fo kota ofa seseek manai Namo Akaba su-un-na fo nai nusak Edom-ma neu.