2TAWARIKH 7:3 - Susula Malalaok Hehelu Palak Ma Hehelu Beuk

³ Lelek laun Israel-la lita ha'i-a kona neme lalai mai ma Manetualain mai de mangale'do-na henu Manetualain Uman-na boema, ala bala leu lante lain boema ala sene-do'ok ma ala koa-kio Manetualain, nanahu Manetualain malole ma susue-lalain manaketu basa taak losa dodoon-na.

2TAWARIKH 7:3 ပူးပေါင်းရင်းမြစ်များ

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

1 TAWARIKH 16:34

Moke makasi neu Manetualain, nana Ndia malole; susue-lalain manaketu-basa taak.

1 TAWARIKH 16:41

Imam Zadok ma imam-imam sila-la hapu tulu-falik neme Heman ma Yedutun boema hataholi fe'ek fo nanahele hehelik soaneu lakamee kokoa-kikiok ba'eneu Manetualain nanahu susue-lalain fo manaketu-basa taa ka.

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

2TAWARIKH 20:18

Boema Manek Yosafat-ta nakaluku-nakatele. Basa laun-na lala'en-na boeo tungan fo lakaluku-lakatele neu Manetualain.

2TAWARIKH 20:21

Nakokolaok basa no laun-na boema, manek-ka nadenu manamakameek-kala pake papake-ngganggaok matak esa fo biasan-na ala paken nai agama feta hehelik-nala dalek. Manamakameek sila-la muse lapadeik lakadadalak no malole-na nai solda'du-la dalak manai uluk-ka, boema lakamee, “Koa-kio Manetualain leona! Susue-lalain manaketu basa taak losa dodoon-na!”

2TAWARIKH 29:28

Manek Hizkia ma basa hataholi manai sila-la sene-do'ok neu Manetualain nai lelek manamakameek-kala lakamee lahele ma manamakaminak sasanu-la lakaminak lahele losa ha'i na'a basa tutunu-hohotuk sila-la.

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

EZRA 3:11

Laun-nala lakamee nakamee kokoa-kikiok ba'eneu Manetualain, no lakamee lakafafalik nakameek-ka mate'en-na, fo liin-na nae leo ia, “Manetualain ndia malole; ma susue-lalain neu Israel, matea-mahelek losa dodoon-na.” Basa laun-nala eeki-latadale, ma koa-kio Manetualain, nana ala tao Manetualain Uman laten-na so.

MAZMUR 100:5

Nana Manetualain malole; susue-lalain losa dodoon-na, ma lilinekan, neme bobongik leo bobongik neu.

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

MAZMUR 106:1

Moke makasi neu Manetualain, nana Manetualain malole; susue-lalain manaketu-basa tak, losa dodoon-na.

MAZMUR 107:1

“Moke makasi neu Manetualain, nana Ndia malole, susue-lalain manaketu-basa tak, neme doon losa dodoon-na.”

MAZMUR 118:1

Moke makasi neu Manetualain, nana Ndia malole, ma susue-lalain manaketu-basa tak, losa dodoon-na.

MAZMUR 95:6

Mai fo, ata takaluku-takatele fo sene-do'ok neun, senek nai Manetualain, fo manamakadada'dik ita, matan.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

IMAMAT 9:24

No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

BILANGAN 14:5

Boema musa no Harun, senek leu basa laun-na matan-na.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

LUKAS 1:50

Neme tititi-nonosik leo tititi-nonosik neu Manetualain tao dale susue na neu hataholi fo manabii neu na.