2TAWARIKH 7:22 - Susula Malalaok Hehelu Palak Ma Hehelu Beuk

²² Boema neukose hataholi nataa nae, ‘Nanahu ala la'oela Amak, fo sila Manetualain manahela-nole sila bei-ba'i kain-nala kalua leme Masir mai. Ala sene-do'ok ma laheluk lilineka neu lamatua daebafak fe'ek-kala. Hu ndia de, Manetualain fe soe ia tuni nalas.’ ”

2TAWARIKH 7:22 ပူးပေါင်းရင်းမြစ်များ

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”

DANIAL 9:12

O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.