2TAWARIKH 7:20 - Susula Malalaok Hehelu Palak Ma Hehelu Beuk

²⁰ soona neukose Au kaluaheni emi neme nusak fo Au fe basan neu o so. Neukose Au boeo la'oela uma ia, fo Au aketu basan da'di mamana makaluku-makatele neu Au. Neukose uma ia nananakamumulu-nakamamaek ma nanahikak nai mamanak lala'en-na.

2TAWARIKH 7:20 ပူးပေါင်းရင်းမြစ်များ

1RAJA-RAJA 14:15

Neukose Manetualain huku Israel nalosa nanggonga-nggangik sama leo fii dook-ka nai oe dale. Neukose Manetualain fe'aheni Israel neme nusak malole fo Ana fen neu sila bei-ba'i kai nala ia. Neukose Ana tao tapasasalas leo Lee Efrat-ta selik leu, nanahu ala lafofo'a basa nasa-melun nenik ala tao Asyera fo lamatua daebafa inak-ka, doki-dulan.

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2RAJA-RAJA 17:20

boema Manetualain ta manaku basa hataholi Israel-la lala'en-na so'on. Ana hukus, ma ana fes leo sila musu-musun, fo ha'da hataholi taak-kala neu. Ana ta taoafik-kasa so'on, de Ana tu'u-tapa henis, neme Ana fes dae-a mai.

2TAWARIKH 36:19

Ana tao nakalulutuk kota Yerusalem-ma papala nanadaman-na, de ana hotu heni kota ndia, de Manetualain uman-na ma basa uma manek-kala sama-sama loo bua-lo'a kabelik fo bei manai uma manek sila-la dalek-ka, nanalekek nai dalek boe.

MAZMUR 44:14

O tao ami da'di uma titia-taik-kala kuku'e-koko'don, ala hakinonoli ma ala hika ami.

MAZMUR 52:5

O sue-lai tatao-nono'i mangalauk-ka neme tatao-nono'i malole-a mai, o hii masapepeko-masandandali neme o mafa'da tunga ndoon-na.

YEREMIA 12:17

Tehu leoina fa ala ta nau tunga Au fa soona, neukose Au fe'a henis sama leo bubu'u-palusa, ma Au tao amate-amopos. Au, Manetualain, de manakokolak-ka.”

YEREMIA 16:13

Hu ndia de, neukose Au usi heni emi neme nusak ia mai fo Au tu'u emi leo nusak esa fo nai doon-na seli ba'eneu emi ma ba'eneu emi manamaten-nala. Nai na, lele'do le'dodaem neukose emi hule-haladoi neu lamatua daebafak fe'ek, de neukose Au ta sue-lai emi fa.’ ”

YEREMIA 18:7

Meten te nai faik esa nai ndia de Au ho'i nakeketuk soaneu fe'a henin, nanatao natuuk ma nanatao nakalulutuk soaneu leoina esa do dedeo esa,

YEREMIA 22:8

Basa ndia soona, neukose hataholi nusa dea ba'uk-ka la'ok lisik ndia soona esa natane esa nae, tao le'e de Au, Manetualain, tao leondiak la'eneu kota fo mana'ahiik ndia.

YEREMIA 24:9

Neukose Au tao akatoto'a-akatatak-kasa tao taoleondiak, de nalosa basa leoina manai daebafak-ka ia lala'en-na da'di manabi-mamata'uk. Au fes lai mamanak bee ndia boeo, neukose sila nanahakinonolik, nanataok da'di hata nanahika-humek ma nananakamu-nakadauk. Sila na'den-na neukose nanapakek da'di soo-supak.

YEREMIA 31:28

Sama leo makahulun-na Au aneas fo ela neu makabuin-na soona, Au fe'a henis Au tao atu'us ma Au tao akalulutuk-kasa, leoniak boe neukose Au aneas fo ela Au tao atetea-aheles ma au afofo'a falik-kasa.

YEREMIA 44:8

Tao le'e de emi tao dede'ak fo ana taon-na Au amanasa? Emi mai de leo nai Masir, fo nusa dea ba'eneu emi ndia, boema emi songo-tango ma fe tutunu-hohotuk neu nusak ndia lamatua daebafan-nala. Ade emi nau tao makalutuk emi aopam-ma fo ela emi nananakaumulu-nakamamaek neme basa leoina manai daebafak ia lala'ena-na, ma emi na'dem-ma nanapakek da'di leo supa-sook do?

YEREMIA 45:4

Hai Barukh! Boema Manetualain dede'a-kokolan nae leo ia: Te'e-te'e hata fo Au afofo'ak-kala neukose Au tao atu'us, ma hata fo Au sele-tanik-kala neukose Au fe'a henis, nakalenak leomae basa nusak-ka lala'en-na!

YESKIAL 7:24

Neukose, Au fe leoina nasa-melu mangalauk-kala mai, fo ala ho'i-la emi umam-mala. Emi hataholi palani tatibatum-mala, neukose ala dele bengge'be, metema Au po'ilotak leoina sila-la, ala tao lakalulutuk emi mamana huhule-haladoim-mala.

BILANGAN 32:15

Metema emi lepos masadea Manetualain, soona neukose Ana po'ilotak leoina ia, laleu-lalaak dook-ka seluk nai moo solokaek-ka, fo emi nde tataom, sila momopo-mamaten ndia!”

ULANGAN 28:37

Nai nusa-nusak fo nai bee, Manetualain tao tapasasala emi-a, neni bibii-namata'uk nanseli fe hataholi manamete emi-a; neukose ala hakinonoli ma ala hika emi.

ULANGAN 29:28

Manetualain nasa-melun fo'a nanseli, de nai nasa-melu matuainan ndia dalek, Ana usiheni leoina Israel-la neme sila nusan-na mai, de Ana tapas leo nusa dea neu, boema ala leo leme ndia.’

YUDAS 1:12

Metema hataholi sila la, la'a lakabubua lo emi, nai emi feta perjamuan susue ma dalek soona, la'a no ta pake bibii-mamaek fa nana, hataholi sila la, maa maolok. Ta lafandele hataholi fe'ek so'on. Hataholi sila la, sama leo ko'a u'da ka, fo ani na fuu ninin mai, tehu u'da na ta mai fa. Hataholi sila la boeo, sama leo ai maboa ka, fo oka na nanafe'a henik, boema maten, de losa fai naboa na te, ta naboa fa.