2TAWARIKH 7:14 - Susula Malalaok Hehelu Palak Ma Hehelu Beuk

¹⁴ boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

2TAWARIKH 7:14 ပူးပေါင်းရင်းမြစ်များ

2TAWARIKH 20:3

Yosafat bii-namata'u nanseli, boema ana hule-haladoi noke tutulu-fafalik neme Manetualain mai. Bas boema ana fe paleta fo ela basa laun-na lala'en-na okaaon-nala.

2TAWARIKH 20:4

Hataholi-la leme basa kota manai Yehuda leu leo Yerusalem leu soaneu loke tutulu-fafalik neu Manetualain.

2TAWARIKH 6:27

ou Manetualain fo manai nusa so'dak-ka, soona mamanenes. Ma fe do'o do ampon neu hataholi Israel-la fo O atam-mala. Manolis ala tao hata fo ndoos. Basa ndia soona, ou Manetualain, makona u'dan-na leo O nusam ia mai, nusak fo O fe basan neu O anam-mala soaneu da'di sila pusakan losa dodoon-na.

2TAWARIKH 6:30

ela leo been-na nai O mamana leleom manai nusa so'dak-ka mamanene boema fe do'o do ampon neus. Ka'da O mesam-ma nde bubuluk hataholi daebafak-ka dalen-na. Hu ndia de tao hataholi-a esa-esak nandaa no tatao-nono'in,

2TAWARIKH 6:33

ela leo been-na neme O mamana leleom manai nusa so'dak-ka mamanene huhule-haladoin ma sipok nonoken-na. No enok ndia, basa leoina manai daebafak-ka lala'en-na lalelak O ma ala tunga neu O sama leo O anam Israel. Neukose ala bubuluk lae uma fo au afofo'ak ia nde mamanak soaneu makaluku-makatele neu O.

MAZMUR 27:8

O mafa'da mae, “Mai leona fo sene-do'ok Au.” Au ataa ae, “Au mai no lai-laik, ou Manetualain;

MAZMUR 60:2

nai lelek natee-nata'ti no hataholi Aram-Mesopotamia, ma hataholi Aram-Zoba-la, ma nai lelek Yoab fali de ana sengi hataholi Edom 12.000 neme Bafak Asin-na.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESAYA 45:19

Au ta kokolak no nafufunik, do no bibila-babaak fa. Au ta adenu Au anang Israel sanga Au no palsuma fa. Au Manetualain, kokolak hata fo ndoos, ma afa'da hata fo la'en.”

YESAYA 59:20

Manetualain nafa'da anan-nala nae, “Neukose, Au mai leo Yerusalem mai, fo soi-tefa emi basa-basam fo, manatukatei-saledale neme sala-singon-nala mai.

YESAYA 63:19

O tao ami nono'kabai, O beita koasa hai ami fa; nono'kabai, ami beita da'di hai, O anam fa.

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

YEREMIA 50:4

Manetualain nafa'da nae, “Nai faik ndia hataholi Israel ma Yehuda ala mai kii sama-sama fo sanga Au, sila Amak Manetualain-na.

YEREMIA 51:9

Hataholi manamai fo malaeo nai na-la esa kokolak neu esa, ‘Neukose ita tulu-fali Babel, tehu ta bisa fa! Matetuk Malole lenak ita la'o ela nusak ndia fo fali leo ita nusa-na neu, Manetualain fe huhukuk matuaina neu Babel ma ana tao nakalulutuk la'iesak.’ ”

YEREMIA 8:22

Beek-ka nde tataon, de nalosa, losa besak ia, au leoinang, beita lea-hai boen? Ade nai Gilead lala'en-na, ta hapu dote, do mo'do-akidook fa do?

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YESKIAL 33:12

Nah, hai hataholi daebafak fo, manasapu-manalalok-konei, mafa'da hataholi Israel-la, mae metema hataholi malole-a, ana tao sala-singok, soona makahulun-na, ana tao tatao-nono'i malole-la, ta bisa tulu-fali fan. Metema hataholi masala-masingok esa, ana hahae tao sala-singok soona, neukose ana ta hapu huhukuk fa, ma metema hataholi malole-a, ana tao sala-singok soona, neukose ana ta hapu so'dak fa.

BILANGAN 6:27

Ma Manetualain nafa'da nae, “Metema ala kokolak Au na'deng-nga da'di leo baba'e-papalak neu leoina Israel-la soona, neukose Au ba'e-palas.”

HATAHOLI 9:11

Boema Lamatua ka nafa'dan nae, “Ayo, la'o besak ia leona. Mu leo Yudas uman mu, fo nai mamana ka na'de, Eno Mando. Soona matane te hataholi esa nai ndia na'de Saulus, fo hataholi ndia neme Tarsus mai. Besak ia, hataholi ndia ana bei hule-haladoi,

ULANGAN 28:10

Soona basa leoina manai daebafak-ka, neukose lita lae emi nde been-na, Manetualain leoina hehelen, de neukose ala hia-penge emi.