2TAWARIKH 6:37 - Susula Malalaok Hehelu Palak Ma Hehelu Beuk

³⁷ ela leo been-na O mamanene sila huhule-haladoin. Metema nai nusak ndia ala tuka tei-sale dale leme sala-singon-nala mai, de ala hule-haladoi neu O no ala manaku lae sila lasala-lasingo ma ala tao tatao-nono'i mangalauk so soona, mamanene sila huhule-haladoin, ou Manetualain.

2TAWARIKH 6:37 ပူးပေါင်းရင်းမြစ်များ

2TAWARIKH 6:36

Metema O anam-mala lasala-lasingo neu O – te'e-te'e ta hapu hataholi esa boen nasala-nasingo fa – boema hu kande O nasa-melum de O po'ilotak musu-a sengis de loos da'di leo hataholi nanahukuk leo nusak esa nai dook-ka do ana deka soona,

2TAWARIKH 6:38

Metema nai nusak ndia no dale katematuak fo te'e-te'e ala tuka tei-sale dale leme sala-singon-nala mai, fo ala hule-haladoi neu O no lasale leo nusak fo O fen neu ami bei-ba'i kaim-mala ia, ma lasale leo kota fo O helek ia mai, ma lasale leo uma fo au afofo'an soaneu O ia,

2TAWARIKH 7:14

boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

NEHEMIA 1:6

Mete au, ou Manetualain, ma mamanene au hule-haladoi lele'do le'odaen soaneu hataholi Israel, fo O atam sila-la. Au manaku ae ami, fo hataholi Israel-la, masala-masingo so; au ma au bei-ba'i kaing-ngala masala-masingo so boe.

MAZMUR 106:6

Ami masala-masingo basa, sama leo ami bei-ba'i kaim-mala so; ami tao basa tatao-nono'i mangalauk, ma malelesi so.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.