2TAWARIKH 6:29 - Susula Malalaok Hehelu Palak Ma Hehelu Beuk

²⁹ ela leo been-na O mamanene sila huhule-haladoin. Metema nai O anam Israel dalek, hapu nggelok hule-haladoi neu O no dale he'dik boema ana look liman-na nasale leo O Uman ia mai soona,

2TAWARIKH 6:29 ပူးပေါင်းရင်းမြစ်များ

2TAWARIKH 20:9

lae metema sila hapu huhuku-dodokik nanahu sila sala-singo-nala, ma natee-natatik, he'di-laus, do la'andoes tuni-ndeni nalas soona, ala mai neu O fo lapadeik leu uma mamaso-kasasi ia matan-na. Nai sila toto'a-sosota-na dalek, sila hapu hule-haladoi neu O, ma neukose O mamanene ma O tulu-falis.

2TAWARIKH 6:28

Metema la'andoes do he'di-laus do anin mato'bik-ka tao nalutu bubu'u-palusa, he'di la'us-sa, do lama-ka, do metema musu-a sapu-na O anam-mala, do he'di-laus mai fo tuni ndeni-na nusak ia soona,

2TAWARIKH 6:30

ela leo been-na nai O mamana leleom manai nusa so'dak-ka mamanene boema fe do'o do ampon neus. Ka'da O mesam-ma nde bubuluk hataholi daebafak-ka dalen-na. Hu ndia de tao hataholi-a esa-esak nandaa no tatao-nono'in,

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

AMSAL 14:10

Namahokok ma dale he'dik-ka, nanape'dak nai dalek-ka dalek; de hataholi fe'ek, ta hapu name'da nita fan.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.