2TAWARIKH 6:27 - Susula Malalaok Hehelu Palak Ma Hehelu Beuk

²⁷ ou Manetualain fo manai nusa so'dak-ka, soona mamanenes. Ma fe do'o do ampon neu hataholi Israel-la fo O atam-mala. Manolis ala tao hata fo ndoos. Basa ndia soona, ou Manetualain, makona u'dan-na leo O nusam ia mai, nusak fo O fe basan neu O anam-mala soaneu da'di sila pusakan losa dodoon-na.

2TAWARIKH 6:27 ပူးပေါင်းရင်းမြစ်များ

2TAWARIKH 7:14

boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

MAZMUR 119:33

Ou Manetualain, manoli au, O nakeketum-mala, sosoa-ndandaan, fo ela au tungan losa mate'en-na.

MAZMUR 25:12

Manetualain nanoli hataholi kamahehelek-ka enok fo ala muse la'ok tungan.

MAZMUR 25:8

Nana Manetualain malole, ma ndoos ma matetuk, Ana natu'du enok soaneu hataholi manala'ok sala enok-ka.

MAZMUR 68:9

daebafak-ka dele, nakalenak u'dan-na mai nai O matam-ma, nanahu Manetualain Sinai, fo Israel Manetualain mamain-na.

MAZMUR 94:12

Ou Manetualain, maua-manalek ba'eneu hataholi fo O manolin, hataholi fo, O manolin O hoholo-lalanem-mala.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 42:3

fo ela Amak Manetualain natu'du fe ami lo be neu fo ami muse meu, ma hata fo am muse tao-no'in.”

YEREMIA 5:24

Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

YOEL 2:12

Manetualain nafa'da nae, “Tehu besak ia, fali leo Au mai leon no dale katematuak, boema oka aom-ma, kii ma makaleleu.

YOEL 2:13

Siiba'e o dalem-ma, te boso siiba'e o bua papakem-ma.” Fali leo Manetualain fo o Manetualaim mai. Ana ta haelai namanasa, ma manasue-laik dale malole ma dale manakasian. Ana hii fe do'o do ampon, ma Ana ta nau huku-doki fa.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

ZAKHARIA 10:1

Metema fai hanan-na losa soona, moke u'dan neme Manetualain mai. Soona neukose, Manetualain Ana tao-na lalai nasakoko'a, fo u'daina mai, nalosa tina osi da'di momo'dok ma lalole, ba'eneu hataholi lala'en-na.

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.