2TAWARIKH 6:24 - Susula Malalaok Hehelu Palak Ma Hehelu Beuk

²⁴ Metema musu-a sengi O anam Israel nanahu sila sala-singon-nala boema ala tuka tei-sale dale fo ala fe ha'da-holomata seluk neu O da'di leo Manetualain, basa soona ala mai leo O Umam ia mai boema ala hule-haladoi loke do'o do ampon neu O soona,

2TAWARIKH 6:24 ပူးပေါင်းရင်းမြစ်များ

2TAWARIKH 6:25

ela leo been-na O mamanenes nai nusa so'dak-ka. Ela leo been-na O fe do'o do ampon neu O anam ia-la sala-singon, ma moos fali leo nusak fo O fe basan neu sila ma sila bei-ba'i kain-nala so.

MAZMUR 44:10

Tehu besak ia, O la'oela ami, ma O po'ilotak ami kala. O ta tutulumatak seluk sama-sama moo ami fa.

MAZMUR 51:4

Safe-saa au tatao-nono'i mangalaung lala'ena; tao balisi au neme au sala-singong-nga mai.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

IMAMAT 26:37

Neukose emi malai, fo esa nakatunu seluk esa ein-na, leomae ta hapu hataholi usi emi fa. Ma neukose, emi ta la'ban mabe'i emi musum-mala fa.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

YOSUA 7:8

Ou Manetualain! Musu sengi hataholi Israel-la so. Besak ia, au muse kokolak ae le'e bai?

HAKIM-HAKIM 2:11

Basa boema, hataholi Israel-la, lasala-lasingo neu Manetualain. Ala ta sene-do'ok seluk neu Manetualain, fo sila bei-ba'i kain-nala Manetualain-na, fo nde Manetualain, fo nos kalua leme Masir mai-a. Ala mulai sene-do'ok neu Baal-la, ma Asytoret boema lamatua daebafak fe'ek fo leoina manai sila titia-tatain-nala, sene-do'ok-ka. Boema, Manetualain namanasas, de Ana po'ilotak hataholi mangalauk-kala sapu-lalas, de lamanako leni hata-heton-nala. Ta lapalani lasasalematak loo musu-musu manai titia-tatain-nala fa.