2TAWARIKH 6:18 - Susula Malalaok Hehelu Palak Ma Hehelu Beuk

¹⁸ Tehu, ou Manetualain, tete'ek-ka O nau leo nai daebafak ia fo nai hataholi daebafak-ka tala'da do? Basa lalai-a lala'en-na boeo, loloan-na ta dai soaneu O fa, mudahata no uma mamaso-kakasi fo au afofo'ak ia bai!

2TAWARIKH 6:18 ပူးပေါင်းရင်းမြစ်များ

1RAJA-RAJA 8:27

Tehu, ou Manetualain, tete'e ka O nau leo nai daebafak ia do? Lalai lala'en-na boeo, loloan-na ta dai soaneu O fa, mu'da hata no uma hule-haladoik fo au afofo'ak ia!

2TAWARIKH 2:5

Au ahiik fo ela Manetualain Uman fo neukose au afofo'an ndia, nalupa uma nanakoa-nanakiok, nana ami Amam Manetualaim nanakoa-nanakiok lena neme su'di lamatua daebafak bee mai boe.

2TAWARIKH 2:6

Tehu tunga ndoon-na ta hapu hataholi esa boen hapu napadedeik uma ba'eneu Manetualain nana basa daebafa maloa lala'en-na ta matua soaneu da'di mamana leleon-na fa. Da'di, Manetualain Uman fo hapu apapdedeik-kana ndia, bole-bole ana da'di ka'da mamanak soaneu tunu boomenik ba'eneu Manetualain!

2TAWARIKH 32:15

Boso o'ilotak emi manem ndia ke'dindiu ma tao namanggonggoa emi! Boso mamahele neun! Nana beita la'iesa fo su'di lamatua daebafak bee boe, napalani soi-po'i leoinan neme manek Asyur-ra koasan-na mai fa. Tao leo bee o emi lamatua daebafam ndia boeo, neukose ana ta hapu soi-po'i emi fa!”

2TAWARIKH 6:19

Ou Amak, fo au Manetualaing-nga, O atam au! Tehu ela leo been-na mamanene au huhule-haladoing, ma sipok-ma au nonokeng ia.

AYUB 4:19

Muda hata no mahahaek fo, ana da'di neme dae ulek-ka mai, mahahaek fo neme afu-a mai, fo bisa ne'e nakalulutuk-kana sama leo andae-a!

AYUB 9:14

Da'di, tao leo bee fo, au bisa ase'i on? Neukose au ataan nenik dede'ak matak beek-ka?

MAZMUR 68:18

No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

MATEOS 12:6

Hu ndia de, taoafik neu hata fo Au afa'dak ia: nai ita ia, hapu nggelok ba'u lena Manetualain Uma na.

MATEOS 7:11

Leomae emi ia, hataholi mangalau kala boe, tehu emi boeo bubuluk fe hata malole neu emi ana mala boe. Muda hata no emi Amam manai nusa so'da ka bai! Neukose Ana fe hata malole neu hataholi manoke neu na.

HATAHOLI 17:24

Manetualain fo mana makadada'dik daebafak ia no basa oe isin lala'ena. Ndia nde bee na Lamatuak neu lalai a no daebafa ka. Ana ta leo nai nitu lalais ala uman, fo hataholi daebafa ka tao ka fa.

2 KORINTUS 12:2

Au alelak hataholi kamahehelek esa fo teuk sanahulu haa maneu ka, nanaso'uk leo mamanak fo madema nai nusa so'da ka. (Au ta bubuluk, ade ao paa na te'e-te'e nanaso'uk do ka'da ninitak esa mesa kana ndia, ka'da Manetualain nde bubulu ka.)