2TAWARIKH 4:6 - Susula Malalaok Hehelu Palak Ma Hehelu Beuk

⁶ Manek Salomo boeo taon-na bokol matuaina sanahulu, fo ana tao lima neu Manetualain Uman-na boboan konan-na, ma lima neu boboan kiin-na. Bokol sila-la sosoan-na soaneu safe paa bibiak fo sanga tunun da'dileo utunu-hohotuk. Oe manai mamana natanoe liti matuaina ndia nanasadiak ba'eneu imam-imam-mala soaneu ala safe ei-liman.

2TAWARIKH 4:6 ပူးပေါင်းရင်းမြစ်များ

1RAJA-RAJA 7:38

Huram taon-na bokor matuaina sanahulu boe, fo kaleta esa na hapu esa. Bokor sila-la esa-esak loloa na metel esa senti falu hulu.

1RAJA-RAJA 7:40

Huram tao tasu, sakop ma mango boe. Basa ndia boema, basa la'iesak tatao-nono'ik lala'en-na ba'eneu Mane Salomo soaneu Manetualain Uman-na. Bua-lo'a mana daik fo ana taok-kala nde ia: Dii matuaina dua Dii langak dua lalupa mango fo nanape'dak nai dii ka duak sila-lain Namosinan-nala'ek nai dii langak-kala esa-esak Dalima liti natun haa de nananakatoto'dok nai dalak dua dalek fo okofefeo la namosinan-nanaane ka nai dii langa kala esa-esak Kaleta sanahulu Bokol matuaina sanahulu Ule bobongo manalu liti Sapi liti fo manato'ba ule bobongo manalu ndia sanahulu dua Tasu, sakop ma mango. Basa bua-lo'a manadaik soaneu Manetualain Uman ndia fo Huram tao fe Mane Salomo-a, nanataok neme liti ma nanalosek losa mangadilak.

2TAWARIKH 4:2

Ndia boeo tao mamana natanoe liti esa bobongok, dedeman-na metel dua senti dua, loloan-na metel haa senti haa, ma bobongon-na metel sanahulu telu senti dua.

MAZMUR 51:2

ndek lelek Nabi Natan-na kena-ka'i basan, nanahu ana hohonge no Batsyeba.

KELUARAN 29:4

Madenu Harun no anan-nala mai leo Au Lalaa Temang-nga lelesun-na mai, fo ala safe-saa aoinan-nala.

KELUARAN 30:17

Manetualain nafa'da Musa nae,

YESKIAL 40:38

Nai uma so'dan deak, hapu kama nanatamak esa, nai lelesuina dalek-ka, boboan kii. Nai kama nanatamak ndia, hapu lelesu esa leo kama matuaina neu. Basa bana soaneu tutunu-hohotu nanatunuk-ka, nanasafek lai ndia.

IMAMAT 1:13

Boema hataholi ndia muse safe bana ndia tei-aten ma sakibolon-na. Basa soona, imam-ma muse tunu-hotu la'iesak paa ndia nai mei tunu-hotuk lain soaneu Manetualain. Tutunu-hohotuk ndia boon-na, nandaa no Manetualain dalen-na.

IMAMAT 1:9

Boema, hataholi ndia muse safe sapi ndia tei-aten, ma sakibolon-na, fo imam malalau-maoono-la, muse tunu la'iesak-kana. Tutunu-hohotuk ndia boon-na, nandaa no Manetualain dalen-na.

1 KORINTUS 6:11

Makahulu na, hapu hataholi de'ubee nai emi dalek, bei lanuu ha'da-palii leo sila kala. Tehu besak ia soona emi malalaok neme sala-singo ka mai so. Emi dadi Manetualain nuu hehelin so. Emi malole falik mo Manetualain, nana emi mamahele neu Lamatuak Yesus Kristus, ma hu ka nde ita Aman Manetualain Dula Dale na koasa na.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

IBRANI 9:23

Leondiak boe, ba'eneu hata fo nana'de hata nusa so'dak soona, paluu nanatao nalalaok. Tehu hata sila la, paluu tutunu-hohotu malole lena seluk ndia bai.

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.