2TAWARIKH 4:11 - Susula Malalaok Hehelu Palak Ma Hehelu Beuk

^11-16 Huram, fo basa tuka-la malangan ndia, tao ulek, sakop, ma mango. Leondiak ana tao nabasa la'iesak Manetualain Uman-na bua-lo'an lala'en-na nandaa no hala hehelun neu Manek Salomo-a. Ana tao nabasa bua-lo'as sila-la nde ia: Dii matuaina dua Dii langak dua malupak-kala mango fo nanape'dak nai dii kaduak sila-la lain Namosina nanaanek nai dii langak-kala esa-esak Dalima natun haa nananakatoto'dok nai dalak dua dalek fo okofefeo-la namosina nanaanek manai dii langak-kala esa-esak. Kaleta sanahulu Bokol matuaina sanahulu Mamana natanoe liti Sapi liti sanahulu dua fo ala tia-to'ba mamana natanoe liti ndia uledae-la, sakop-ala ma folok-kala Basa bua-lo'as fo Huram taon soaneu Manetualain Uman sila-la, ana taos leme liti mai ma ana loses losa mangadilak. Huram tao basa sila-la nandaa no Manek Salomo-a paletan na.

2TAWARIKH 4:11 ပူးပေါင်းရင်းမြစ်များ

1RAJA-RAJA 7:13

Nai kota Tirus sa hapu touk esa na'de Huram. Hataholi ndia te'e-te'e malelainan-nanseli nai tao bua-lo'a liti mata-matak lala'en-na. Aman fo maten so, nde been-na hataholi Tirus ma malelainan-nanseli nai bua-lo'a liti dalek. Inan neme leo Naftali mai. Mane Salomo-a nadenu hataholi neu nala Huram soaneu mai nalanga basa manatao bua-lo'a liti la tatao-nono'in lala'en-na. Boema Huram mai de ana tao hata fo Salomo noken.

1 TAWARIKH 18:8

Fe'ek neme ndia mai, Dauk boeo ho'i na liti makadotok nanseli neme Tibhat ma Kun kota-kota fo makahulun-na Hadadezer koasa kota sila-la. (Neu fai makabuin boema, Salomo pake liti sila-la soaneu ana tao pipa bobongok, boema dii ma bua-lo'as nakalupu-nakatela nai Manetualain Uman.)