2TAWARIKH 36:6 - Susula Malalaok Hehelu Palak Ma Hehelu Beuk

⁶ Lelek Nebukadnezar fo manek Babel-la loso-na Yehuda boema, ana ho'un-na Yoyakim, de noon no nanalangek leo Babel neu.

2TAWARIKH 36:6 ပူးပေါင်းရင်းမြစ်များ

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

YEREMIA 22:19

Neukose Yoyakim nana lele'a-lolosok ma nana pia henik leo Yerusalem lelesu inan deak neu, sama na leo hataholi lele'a-lolosok keledei mates.”

YEREMIA 25:1

Nai teuk kasanahulu haan-na Yoyakim fo Yosia ana manen-na da'di basa manek nai Yehuda boema, au hapu hala haituak leme Manetualain la'eneu basa leoina Yehuda, Lelek ndia te Nebukadnezar da'di manek nai Babel besak-ka teuk esa ndia.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YESKIAL 19:4

Leoina-la, lamanene la'eneu singa ana ndia, boema lakabubua, fo ala ho'u-lan. Lakahihi'ik-lan, neme bolok dale, de ala pa'an, boema, ala pa'an nenik ai kakaik, de ala lele'a-loloson leo Masir neu.