2TAWARIKH 36:23 - Susula Malalaok Hehelu Palak Ma Hehelu Beuk

²³ “Kores fo manek Persia paletan-na nde ia! Amak, fo Manetualain manakoasa nai nusa so'dak-ka, nakadada'dik basa au da'di manek neu daebafak-ka lala'en-na, ma Ana fe au bela-ba'uk soaneu afofo'a uma ba'eneun nai Yerusalem fo nai nusak Yehuda. Da'di, emi basa-basam fo manada'di Manetualain anan-nala muse fali leo naa meu! Ela leo bee na emi Manetualain nasulu-nahapa emi.”

2TAWARIKH 36:23 ပူးပေါင်းရင်းမြစ်များ

1 TAWARIKH 22:16

makadotok nanseli. Nah, mulain no lai-laik leona! Ela leo been-na Manetualain tulu-fali o.”

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

EZRA 1:1

Kores, fo mane Persia, ana paleta neu teuk makasososan-na boema, Manetualain tao natetu hata, fo Ana kokolak basan tunga Nabi Yeremia so. Manetualain nakababale Kores dalen-na, ana kalua paleta esa, fo ala lees-sana nai basa nusan-na dalek. Liin-na nae leo ia:

EZRA 7:13

Au fe paleta, ae basa Imam, hataholi Lewi, ma hataholi Israel fe'ek manai au nusang dale lala'en-na, fo nahiik neu leo Yerusalem neu, au po'is la'o loo Tolanook-ka.

MAZMUR 136:26

Moke makasi neu Manetualain, fo manakoasa lalai-a; susue-lalain manaketu-basa tak, losa dodoon-na.

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YESAYA 44:5

Neukose hataholi-la, esa-esak manaku nae, ndia aoinan-na, Au nuung ndia, ma ana mai nakabubua no Yakob tititi-nonosin. Esa-esak sulak nai liman-na nae, Manetualain Nuun, ma noke aoinan-na soona nae, Manetualain anan-nala lima-ein.”

YESAYA 45:13

Au nde adenu Kores, soaneu nakalala'ok Au dale tutu'ung-nga ma napadedeik natetu ndoos ma matetuk-ka. Neukose Au tao-a basa enok fo, ana tungan-nana, latetu Neukose ana nafofo'a falik Yerusalem, fo Au kotang-nga ma ana soi-po'i Au anang fo, nanafook-kala ta no doi sosolo dalek, ma ta no sese'ba-babaek fa.” Manetualain Fo Manakoasa, nde manakokolak-ka.

YEREMIA 27:6

Au nde fe basa leoina ia lala'en-na lo Au atang Nebukadnezar, fo manek Babel-la koasan dale neu. Nakalenak bana-manu boeo Au fen leo ndia neu, soaneu ana koasas.

DANIAL 2:21

Ndia nde naketu le'do-fai, Ana nakona ma so'u manakoasa. Ndia boeo nde manafe manatee-tenok, boema manaba'e-bati dodole da'uk.

DANIAL 2:37

Ama Manek fo mandela-masa'ak-ka nde been-na, manek neme basa manek lala'en-na mai. Ama Manek nde manakoasa matuaina. Manetualain manai nusa so'dak-ka fe basa Ama Manek nusak ia, koasa, be'i-balakaik ma matua-madema so.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

DANIAL 5:18

Manetualain Fo Mademaina, tao-na Ama Manek aman Nebukadnezar, da'di manek mandela-masa'ak, ma Ana fen matua-madema ma nananita-nalelak.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 5:28

nanaba'ek, Ama Manek nusan-na nanaba'ek, de nanafek leo hataholi Media ma Persia neu.”

DANIAL 6:28

Ana soi-tefa ma Ana soi-po'i, Ana tao manada'di beuk ma dede'a matabeuk nau nai lalai do nai daebafak-ka boe. Ana soi-tefa-na Danial neme singa-la bafan-na mai so.”

MIKHA 4:10

Hai laun Yerusalem-mala lemin, maule-mapo'de ma makadii-makadau sama leo ina manabongik-ka! Nana besak ia, emi muse la'oela kota, fo meu leo nai mook-ka. Emi muse meu leo Babel meu, tehu nai naa, neukose Manetualain po'i emi neme emi musum-mala mai.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?