2TAWARIKH 36:20 - Susula Malalaok Hehelu Palak Ma Hehelu Beuk

²⁰ Laun fo manaladeak-kala, ana foo nenis leo Babel neu. Nai naa, ala da'di ndia atan ma tititi-nonosin atan losa tepo-lelek nusak Persia ana koasa.

2TAWARIKH 36:20 ပူးပေါင်းရင်းမြစ်များ

2RAJA-RAJA 25:11

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.

2TAWARIKH 36:22

Nai Kores fo manek Persia paleta neu teu makasososan-na, Manetualain nakalala'ok hata fo nafa'da basan tunga Nabi Yeremia. Manetualain nakababale Kores dalen-na soaneu ana kalua paleta esa fo nanalees nai basa nusak-ka lala'en-na. Liin-na nae leo ia:

EZRA 2:1

Hataholi nanafook-kala ba'uk-ka la'oela nusa Babel-la, de ala fali ma'is leo Yerusalem ma Yehuda mai, de esa-esak fali ne'un leo ndia kotan-na neu. Ala leo nai mamana tu'u-tapak nai Babel, ndek lelek Mane Nebukadnezar-ra, foo nenis leo naa leu.

EZRA 5:12

Tehu, hu kande ami bei-ba'i kaim-mala, ala tao lakananasak Manetualain fo mana koasa nai nusa so'dak-ka, boema Ana fe henis leo Nebukadnezar, fo mane Babel-la, ana da'di neme Kasdim tititi-nonosin mai. Ana tao nakalulutuk Uma ndia, ma ana foo neni ami leoinam-ma, leo Babel neu.

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YEREMIA 25:11

Basa nusak ia lala'en-na neukose Au po'ilotak-kana nakalulutuk ma ana da'di nenee-lino-linok. Leoina manai boboa-kaisun-nala neukose ala sene-do'ok neu manek Babel teuk hituhulu dodoon-na.

YEREMIA 27:7

Basa leoina-la ala sene-do'ok neun, ma neu ana manen-na, ma neu upun-na losa fain nusan-na tu'da-monu aom. Nai lelek ndia te leoina Babel-la neukose sene-do'ok neu leoina-leoina fo mabe'i-balakaik ma manek matuainan-nala.

YEREMIA 52:28

Dede'un-na hataholi lifun haa natun nee. Nebukadnezar fuas nakatata'dak leoiak: nai teuk kahitun-na fo ana paleta ndia ana fua hataholi lifun telu dua huluh telu, nai teuk kasanahulu falun-na fo ana paleta ndia ana fua hataholi natun falu telu huluh dua neme Yerusalem manai teuk kaduahulu telun-na fo Nebukadnezar paletan-na ana fua hataholi natun hitu haahuluh lima.

YESKIAL 19:13

Besak ia, ai angol ndia, nanaselek nai moo solokaek-ka, nai dae tokotik ma oe ta.

YESKIAL 38:5

Solda'du-la leme Persia, Sudan ma Libia mai, ala tunga manek-ka, de basa-basas leni tafaina ma topi bai.

MIKHA 4:10

Hai laun Yerusalem-mala lemin, maule-mapo'de ma makadii-makadau sama leo ina manabongik-ka! Nana besak ia, emi muse la'oela kota, fo meu leo nai mook-ka. Emi muse meu leo Babel meu, tehu nai naa, neukose Manetualain po'i emi neme emi musum-mala mai.