2TAWARIKH 36:17 - Susula Malalaok Hehelu Palak Ma Hehelu Beuk

¹⁷ Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

2TAWARIKH 36:17 ပူးပေါင်းရင်းမြစ်များ

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

2TAWARIKH 34:24

‘Neukose Au huku basa Yerusalem no basa laun-nala lala'en-na nenik so so-susupak fo nanasulak nai susulak ndia dalek, de ala lees fen neu manek-ka. Susulak ndia isi-liin nae,

EZRA 5:12

Tehu, hu kande ami bei-ba'i kaim-mala, ala tao lakananasak Manetualain fo mana koasa nai nusa so'dak-ka, boema Ana fe henis leo Nebukadnezar, fo mane Babel-la, ana da'di neme Kasdim tititi-nonosin mai. Ana tao nakalulutuk Uma ndia, ma ana foo neni ami leoinam-ma, leo Babel neu.

EZRA 9:7

Neme ami bei-ba'i kaim-mala tepo-lelen, losa besak ia, ami fo O anam-mala, masala-masingo neu O. Hu ndia de, mane nusa fe'ek-kala sengi ami, moo basa ami manem-mala, boema basa ami imam mala. Ala taolisa ami, ma bonga ami umam-mala, ma foo loo ami da'di leo hataholi nanafook. Lakamumulu-lakamamaek langge'a ami, sama leo nai faik ia.

MAZMUR 74:20

Mafandendelek, hehelu-balataak fo, O taon no ami, nana hataholi-a tao naseti-nalakak-ka, nai basa mamana makahatuk manai nusak ia.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

YESAYA 13:18

Neukose, ala kou lisa hataholi muli-soluk-kala nenik sila kokoun-na. Ala ta sue ni'iana bongi beuk-kala, ma dalen-nala ta sue-lai neu ni'iana-la fa.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YESAYA 47:6

Makahulun-na, Au amanasa Au anang-ngala, Au ta sipok-kasa, da'di Au nuung so'on. Boema Au fes leo o neu de o ta sue-lai fas, nakalenak o tunu-ndeni lasik-kala, no ta pake ha'da hataholik fa.

YEREMIA 11:22

Hu ndia de, Manetualain Fo Manakoasa nafa'da nae, “Neukose Au huku sila! Sila hataholi-hataholi muli-solun-nala neukose mates nai matematatik-ka dalek, ma sila anan-nala neukose mates nenik la'as-sa.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 21:1

Zedekia fo Yehuda manen haitu fe au Imam Pasyhur fo Malkia anan-na, ma Imam Zefanya fo Maaseya anan-na. Ana nadenus leo au mai fo lafa'da nonokek-ka nae lao ia,

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

YEREMIA 32:28

Kota ia neukose Au po'ilotak-kana nanakoasak neme Nebukadnezar fo manek Babel-la no basa soloda'dun-nala lala'en-na. Neukose ala latona-na kota ia,

YEREMIA 32:42

Sama leo Au uni susa-soe ba'eneu leoina ia, leondiak boe neukose Au fes basa malole-malole la'eneu fo Au helu basan ba'eneu sila so.

YEREMIA 40:3

Besak ia dede'ak ndia ana tao-no'in, nanahu o leoinam-ma nasala-nasingo basa so, ma ala ta nau lamahele neu fan.

YEREMIA 51:22

O nanapake fo tao misa touk ma inak, lasik do mulik, ana fe'o anak ma ta'e anak.

YEREMIA 9:21

Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

YESKIAL 16:40

Neukose, ladenu hataholi makadotok tapa o, nenik batu, ma ala kekee o aopaam-ma nenik tafaina.

YESKIAL 21:28

“Hai hataholi daebafak fo, manasapu-manalalok-konei, kokolak dede'a nananafa'da elak leona! Mafa'da hataholi Amon fo, lakamumulu-lakamamaek basa Israel so, mae Au, Manetualain Fo Mademaina nafa'da nae, ‘Tafaina esa, nanasadia basak soaneu nado'do-napau so; tafaina ndia, nanafofola basak so, de isin-na nangale'do, sama leo ndelas-sa, fo ela naheheaon soaneu nanisa.

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

ULANGAN 30:18

tao leo bee-o, neukose emi nanatao namate-namopok, ma emi teum-ma keke'uk-ka nai nusak fo, ta dook-ka so'on te, emi mangatuu-ma ndia. Mafandendelek! Te dede'ak ia Au afa'da neu emi nai faik dalen-na so.