2TAWARIKH 36:16 - Susula Malalaok Hehelu Palak Ma Hehelu Beuk

¹⁶ Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

2TAWARIKH 36:16 ပူးပေါင်းရင်းမြစ်များ

2RAJA-RAJA 2:23

Basa ndia boema, Elisa la'o neme Yerikho leo Betel neu. Nai enok tala'dak, ni'iana bubuak esa, ala kalua leme kota dale mai, de ala hakinonolin lae, “Hai, langa dilak, langa dilak, la'o ela mamanak ia leona!” Ni'iana sila-la, ala nggasi lae leondia.

1 TAWARIKH 19:4

Manek Hanun na ho'u na Dauk hataholi nadedenun sila-la, de ana nggeuheni nggolomein-nala, ana kee keke'u bua papaken nala losa tala'da nala, de nadenus ala fali.

2TAWARIKH 24:19

Manetualain nadenu nabi-la fo leu ka'is, fo ela lamahele falik neu Manetualain, tehu laun-na ta nau lamanene fa.

2TAWARIKH 30:10

Lelek hataholi nadedenuk sila-la la'ok leme kota esa leo kota esa leu, nai leo Efraim ma Manasye nusan-na losa kii fo losa leo Zebulon-na nusan-na, boema hataholi-la hikas ma lakadadaek-kasa.

EZRA 5:12

Tehu, hu kande ami bei-ba'i kaim-mala, ala tao lakananasak Manetualain fo mana koasa nai nusa so'dak-ka, boema Ana fe henis leo Nebukadnezar, fo mane Babel-la, ana da'di neme Kasdim tititi-nonosin mai. Ana tao nakalulutuk Uma ndia, ma ana foo neni ami leoinam-ma, leo Babel neu.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

MAZMUR 35:16

Ala hakinonoli lakandoo au, ma ala mete au no nakamuu-nakadauk.

MAZMUR 74:1

Asaf nakamee nanoli nafa'da. Ou Manetualain, O la'oela ami losa dodoon-na do? Tao le'e de, O mamanasa makandoo O anam-mala?

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

AMSAL 6:15

Basa sila-la, neukose no kaiboik, neni soe soaneu aoinan-na, fo ana ta fo'a so'on.

YESAYA 28:22

Au amanene basa Manetualain Fo Mademaina ma Manakoasa, nakeketun-na, soaneu Ana tao namate-namopo nusak-ka lala'en-na. Boso makamuu-makadau hala-kokola nasanene'dak fo, au anduku-alosak-kana ia. Mahani te, neukose ta mu'dak ba'eneu emi, fo maladeak fa.

YESAYA 5:4

Au muse tao seluk beek bai, tehu Au beita taon soaneu Au osi angol ndia fa. Tao le'e de, naboa boa makeis, te ta boa malole, sama leo Au amahenak-ka fa?

YESAYA 57:4

Emi hika-ka, nde see-ka? Emi hakinonolik-ka, nde see-ka? Ade emi ta nde, tititi-nonosik neme hataholi masapepeko-masandandalik, ma manalena-la'bak-kala mai fa do?

YESAYA 65:12

Neukose emi basa-basam-mala mate, da'di leo tutunu-hohotu laka-nakasetik. Nana lelek Au aloo, emi ta mataa fa, ma lelek Au kokolak, emi ta mamanene fa. Emi nau ka'da lena-la'ban Au, ma tao hata fo mangalauk.

YEREMIA 13:10

Leoina fo mangalauk ia-la langabatu lanseli ma ala ta nau lamahele neu au fa. Ala hule-haladoi, ma sene-do'ok neu kada lamatua daebafak fe'ek. Hu ndia de neukose silasama leo lafa keke'uk fo sosoa-ndandaan tak ndia.

YEREMIA 20:7

Manetualain, O fufu'di-oodok au de au nanafufu'di-oodok. O be'im-ma ba'u lena heni au, ma au akatele. Basa hataholi hakinonoli au, au nananakamu-nakadau neme fafain-na losa nosa.

YEREMIA 20:8

Au kokolak do'e-do'e ae, au muse eeki-apane'e losa basa au be'i-balakaing-nga, “Nasananseli! Susa-soe!” Manetualain, au nanahakininisik ma nananakamu-nakadau su'di faik, nanahu anduku-alosak o hala-hehelun-na.

YEREMIA 30:12

Manetualain nafa'da neu anan-nala nae: “Emi he'dim-mala bela nanseli, ba'eneu emi bisum-mala soona ta hapu aidon-na fa.

YEREMIA 32:3

neme manek Zedekia, nanahu ala du'du lae, au po'a-benga ae, Manetualain nafa'da nae leo ia, “Neukose Au po'ilotak manek Babel-la nangatun-na kota ia,

YEREMIA 32:33

Leomae Au anoli-aheles, tehu ala ta nau lamanene fa, ma ala ta nau tuka-tei sale-dale fa, ma la'o ela Au.

YEREMIA 38:6

Boema ala ho'i-la au de lakona au nenik tali lo manek-ka ana manen Malkia oedolu dalek neu fo nai uma manek-ka so'dan-na. Oedolu ndia oen ta, te ka'da tane-tane mesan, de au masok lo tane ndia dale neu.

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

DANIAL 9:6

Ami ta mamanene O atam fo nde nabi sila-la fa, ala kokolak basa nenik O na'dem-ma neu ami manem-mala, basa mauli-malangan-nala, basa ami bei-ba'i kaim-mala ma neu ami laoinam lala'en-na.

IMAMAT 26:15

metema emi la'olena hehelu-balataak fo Au taon no emi, ma ta nau tunga Au nakeketung, ma Au nakaneneteng-ngala fa soona,

MATEOS 23:34

Mamanene matalolole, te neukose Au haitua fe emi nabi-nabi, hataholi manatee tenok, ma mese-mese nala; tehu neukose emi taomisa hataholi sila la nggelok, boema emi lona nggange nggelok. Hapu nggelok neukose emi fepa-li'us nai uma mamaso kala dalek, ma emi usis leme kota esa leo kota esa.

MATEOS 5:12

Nabi makahulu kala boeo, ala fepa-li'us sama leo emi boe. Mamahoko ma hika-setelee leona, nanahu Lamatua ka sadia basa ngga'di matua ina nai nusa so'da ka, soaneu emi so.”

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

LUKAS 18:32

Neukose ala fen leo hataholi ta Yahudi la neu, fo neukose ala hakinonolin, lakamumulu-lakamamae kana, ma ala mu'di ape neun.

LUKAS 23:11

Boema Herodes ma solda'du nala, ala mulai hakinonoli ma lakamumulu-lakamamaek Yesus, boema ala papaken papake matua-madema, basa boema Herodes haitua falik-kana leo Pilatus neu.

LUKAS 23:36

Solda'du la boeo hakinonolin. Leu deka lon de ala fen angol makeis,

LUKAS 6:23

Nabi-nabi manai lelek makahulun eli la, ala taos leondiak boe. Metema dede'ak ndia ana da'di soona, ela leo bee na emi dale ma namahoko ma foti longe no namahokok, nana ngga'di matua ina, nanasadiak soaneu emi nai nusa so'da ka.

HATAHOLI 13:41

‘Manea matalolole, hei emi fo hataholi mana hii ka'da makamumulu-makamamae kala lemin! Neukose emi dodoo doa kana, fo mateheni mala! Nana nai le'dofai besak ia, Au bei tao hata esa, fo neukose emi ta mamahele fan, leomae hapu hataholi nafa'da mangalele'don neu emi boe.’ ”

HATAHOLI 17:32

Lelek fo hataholi sila la lamanene Paulus kokolak nae, hataholi mana mate kala laso'da falik, boema sila nggelok hika Paulus. Nggelok bai soona lae, “Ami hii mamanene tolanoo ka kokolak seluk dede'ak ndia.”

HATAHOLI 2:13

Tehu hapu hataholi nggelok soona ala hakinonolis lae, “Weh, hataholi mana mafuk basa sila la!”

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

HAKIM-HAKIM 2:17

Tehu, ala ta lafaduli mauli-malangan sila-la fa. Ala sene-do'ok neu lamatua fe'ek-kala, ma ala ta liineka neu Manetualain fa. Ala ta tunga bei-ba'i kain-nala ha'da-tataon, fo manatunga Manetualain paletan-nala fa.