2TAWARIKH 35:8 - Susula Malalaok Hehelu Palak Ma Hehelu Beuk

⁸ Basa Yosia hataholi mana'a ngga'din-nala boeo fe tutulu-fafalik soaneu imam-mala, ma hataholi Lewi fo maneme laun-na lala'en-na mai. Hataholi mana'a ngga'di manahapu bela-ba'uk soaneu Manetualain Uman-na, fonde Imam Matuaina Hilkia, ma Zakharia, boema Yehiel, telus fe basa imam-mala bi'ilopo ana lifun dua natun nee, ma bi'ihii ana boema sapi mane natun telu soaneu tutunu-hohotuk nai feta ndia.

2TAWARIKH 35:8 ပူးပေါင်းရင်းမြစ်များ

1 TAWARIKH 29:17

Au bubuluk O fola hataholi-a esa-esak dalen ma O mahiik hataholi fo dalen-na isik. No dalek-katematuak ma dalen-namahokok, au fe basa ia-la neu O. Au sakasii basa, tao leo beek de O anam fo manamakabubuak manai ia-la leni fe O sila tutunu-hohotun no dalek-katematuak.

1 TAWARIKH 9:20

Pinehas, fo Eleazar anan-na – sa'di leo been-na Manetualain nasulu-nahapan! – nauli-nalanga hai sila so.

2TAWARIKH 30:24

Manek Hizkia fe sapi mane lifun esa ma bi'ilopo lifun hitu. Hizkia hataholi mana'a ngga'din-nala fe sapimane lifun esa ma bi'ilopo lifun sanahulu. Ala fe basa bana sila-la leo laun-na neu fo ala do'dos fo la'a. Imam makadotok nanseli tao lalalao-lalalafu aoinan-nala.

2TAWARIKH 31:13

Nai Konanya ma Simei dae, hapu hataholi Lewi sanahulu hapu bela-ba'uk da'di manamanea boe. Hataholi Lewi sila-la nde: Yehiel, Azazya, Nahat, Asael, Yerimot, Yozabad, Eliel, Yismakhya, Mahat, ma Benanya. Basa dede'ak sila-la, nananaketuk tunga Manek Hizkia ma Imam Matuaina Azarya natutu'u-na.

2TAWARIKH 34:9

Hataholi Lewi manamanea Manetualain Uman-na Lelesu-nala, fe doik fo ala susula kala leo Imam Matuaina Hilkia neu. Doik sila-la leme hataholi Efraim, ma Manasye-la mai, ma leme laun fe'e-fe'ek manai Nusak Kii-la mai, boema leme laun Yehuda, Benyamin ma Yerusalem-mala mai.

2TAWARIKH 35:7

Fo ela hataholi manai feta Paskah ndia hapu tunu-hotu tutunu-hohotu Paskah. Manek Yosia fe tutulu-fafalik neme bana-manun mai, bi'ilopo lifun teluhulu, bi'ilopo ana, ma bi'ihii ana, boema sapi mane lifun telu.

EZRA 1:6

Basa sila uma titia-tatain-nala, tulu-falis nenik ala fe bua-lo'as, fo nde, bua-lo'a lilofulak ma lilopilas, tua-lepa fo la'a nai enok, ma bana, fo ala fua bua-lo'an, ma tunu-hotuk soaneu Manetualain Uman-na.

EZRA 7:16

Boeo ho'i meni basa lilopilas ma lilofulak fo Tolanok-ka makabubuas neme Babel lala'en-na, ma basa tutulu-fafalik neme leoina Israel-la, ma imam-mala fo soaneu sila Manetualain Uman manai Yerusalem-ma.

MAZMUR 45:12

O mata makeem-ma, tao natu'da manek-ka dalen-na, o tuam-ma nde ndia, de makatele neun.

BILANGAN 7:2

Boema basa lasi-lasi Israel fo nde basa maneleo fo manamete-lakanae, nai lelek leke hataholi Israel-la dede'un-na,

HATAHOLI 4:1

Lelek fo Petrus ma Yohanis bei kokolak lo hataholi sila la te, malanga ima mala ma malanga mana manea Manetualain Uma na, boema hataholi Saduki la ala mai leo Petrus no Yohanis mai.

HATAHOLI 5:26

Boema solda'du la malanga matuan mana manea Amak Manetualain Uma na, sama-sama no mana manea nala de leu lala falik Lamatua ka hataholi nadedenun sila la. Tehu ala tao balakaik neu fas, nana ala bii hataholi makadoto kala; boso nalosak hataholi makadotok sila la ala tapas linik batu.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

2 KORINTUS 9:7

Hataholi a esa-esak muse fe tunga dale hihii na. Ana boso fe no dale bibia-seselik, do hu ka nde laka-nakasetik, nana Manetualain sue-lai hataholi fo ana fe no dale namahokok.