2TAWARIKH 35:6 - Susula Malalaok Hehelu Palak Ma Hehelu Beuk

⁶ Emi muse do'do bi'ilopo soaneu feta Paskah. Hu ndia de maheheleaom leona, fo ela nandaa sene-do'ok neu Manetualain, ma sadia tutunu-hohotuk fo muse nanatunu-hotuk ba'eneu Manetualainboe, fo ela no enok ndia, hataholi Israel fe'ek-kala hapu lakalala'ok hata fo Manetualain paletan tunga Musa.”

2TAWARIKH 35:6 ပူးပေါင်းရင်းမြစ်များ

KEJADIAN 35:2

Boema Yakob nafa'da teidale-bobongin-nala ma basa hataholi manasama-sama loo nana nae, “Neukose ata la'o teme ia mai fo teu leo Betel teu. Nai ndia, neukose au apadedeik mei tunu-hotuk ba'eneu Manetualain fo manatulu-fali basa au nai tepo lelek au to'a taa ma manamasulu-mahapa basa au nai lelek au leo su'di bee u a. Da'di tu'u-tapaheni dodoki-dudula lamatua daebafak nusa dea fo emi ho'uk-kala; tao feta tao nalalao aoinak-ka ma pake bua-lo'a balisi leona.”

1 TAWARIKH 15:12

Dauk nafa'das nae, “Emi nde been-na mauli-malanga teidale-bobongik nai leo Lewi dalek. Hu ndia de, ela leo been-na emi ma hataholi Lewi fe'ek kala tao malalao-malalafu aoina mala fo ela emi hapu laliheok Amak, fo Israel Manetualain na Peti Hehelu-balataan leo mamanak fo au sadia basan so.

2TAWARIKH 29:15

Basa boema laloo lakabubua hataholi Lewi fe'ek-kala fo sila-basa-basas tao lalalao-lalalafu aoina-nala. Basa ndia soona, nandaa no manek-ka paletan-na, de basa imam-mala masok leo Manetualain Uman dale leu de ala tao lalalao-lalalafu aoinan-nala tunga Manetualain hoholo-lalanen. Basa hata manggenggeok-kala ala kalua henis de lenis leo Manetualain Uman-na so'dan-na neu. Hataholi Lewi-la lenis leme ndia leo Bafak Kidron-na neu fo nai kota deak.

2TAWARIKH 29:34

Imam-imam fo manatao nalalao-nalalafu aoina-na ka'da lumaanak nanseli soaneu ali bana sila-la loun-na. Hu ndia de hataholi Lewi-la tulu-falis, nanahu hataholi Lewi-la lilinekan ba'un-na seli neu nakanenetek tao nalalao-nalalafu aoina-ka. Ala tulu-fali lahele losa imam fo manatao nalalao-nalalafu aoina-ka dai.

2TAWARIKH 29:5

de ana kokolak nos. Ana kokolak nae, “Emi, fo hataholi Lewi-la, muse tao malalao-malalafu aoina-mala soaneu Manetualain, ma tao malalao-malalafu emi bei-ba'i kaim Manetualain Uman-na. Basa hata fo manatao nanggenggeo uma ndia, muse tao heok-kasa.

2TAWARIKH 35:1

Basa boema Yosia tao feta Paskah nai Yerusalem soaneu fe ha'da-holomata neu Manetualain. Bi'ilopo soaneu feta ndia, nanado'dok nai bula kaesa fain sanahulu haa.

2TAWARIKH 35:11

Boema ala do'do bana soaneu feta Paskah; hataholi Lewi-la ali lou-na, ma basa imam-mala pisi bana sila-la daan-na leo mei tunu-hotuk lain neu.

2TAWARIKH 35:7

Fo ela hataholi manai feta Paskah ndia hapu tunu-hotu tutunu-hohotu Paskah. Manek Yosia fe tutulu-fafalik neme bana-manun mai, bi'ilopo lifun teluhulu, bi'ilopo ana, ma bi'ihii ana, boema sapi mane lifun telu.

2TAWARIKH 5:11

Basa imam manai sila-la, ta ela esa boen laheheleaon soaneu tao feta ndia. Basa manamakameek ma manamakminak sasanu manai leo Lewi-la dalek, fo nde Asaf, Heman, Yedutun ma basa sila teidale-bobongin lala'en-na papaken-ala neme tema abalutu mai. Hataholi Lewi sila-la lapadeik lai mei tunu-hotuk-ka boboan dulu ma ala ho'u simbal ma kecapi. Imam natun esa duahulu fu trompet sama-sama los. Basa manamakameek-kala lakamee de halan-nala da'di halak esa no trompet, simbal sasanu fe'ek-kala liin-nala. Ala lakamee nakameek soaneu Manetualain-na liin-na nae leo ia: “Koa-kio Manetualain nana Ndia malole. Susue-lalain manaketu-basa taak losa dodoon-na.” Nai lelek basa imam-mala kalua leme Manetualain Uman ndia dalek mai boema, no kaiboik Uman ndia henuk no Manetualain mamain-na ndela-sa'an, nalosa ala ta hapu tao feta makaluku-makatele-a fa.

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

MAZMUR 51:7

Tete'ek-ka, au hataholi mangalauk neme lelek bongi au-a, ma au inang nailu au-a nai sala-singok-ka dalek.

KELUARAN 12:6

Emi muse pa'a mahelen losa bulak-ka fain sanahulu haa. Nai faik ndia le'donoso-na soona, basa hataholi Israel-la lala'e-na, muse do'do bi'ilopoana ndia.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

YOEL 2:16

Tao makabubua basa laun-nala lala'en-na, paleta hataholi-la fo lakabubua Madenu lasik-kala, ni'iana-la ma ni'iana manasu'uk-kala, fo ala mai boe. Lena-lenak manaka'bing beuk-kala, muse ala mai boe. Madenus fo ala kalua leme kaman-nala dalek mai.