2TAWARIKH 35:3 - Susula Malalaok Hehelu Palak Ma Hehelu Beuk

³ Hataholi Lewi fo nanahele hehelik soaneu Manetualain, ma manada'di Israel mesen-nala hapu paleta nde ia neme Yosia mai nae, “Tao Manetualain Peti Hehelu-balataan malalao-malalafun ndia leo Dauk amamanen Manek Salomo napadedeik-na Manetualain Uman dale neu. Emi ta bole laliheok-kana so'on. Malalau-maoono emi Manetualain ma leoina Israel-la fo Anan-nala.

2TAWARIKH 35:3 ပူးပေါင်းရင်းမြစ်များ

1 TAWARIKH 23:26

Hu ndia de, Manetualain Lalaa Temak na ma basa buas fo nanapakek soaneu makaluku-makatele a, ta paluu hataholi Lewi la ndolo seluk kana fa.”

2TAWARIKH 17:7

Ana paleta neu teu katelu-na boema, nadenu hataholi manaho'u paleta mademaina-la fo lanoli Manetualain hoholo-lalanen nai Yehuda kota-kota-nala. Hataholi sila-la nde: Benhail, Obaja, Zakharia, Netaneel ma Mikha.

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

2TAWARIKH 34:14

Nai lelek doi tutulu-fafalik sila-la nanakaluak leme mamana pepe'dan-nala mai boema, Hilkia hapu Manetualain susula hoholo-lalanen, fonde hoholo-lalanek fo Manetualain fen neu Musa.

2TAWARIKH 5:7

Basa ndia boema, basa imam-mala leni Peti Hehelu-balataak ndia leo Manetualain Uman dale neu de ala pe'dan neu mahahae nusa so'dak-ka dodoki-dudulan-na nisi daen-na nai Kama Malalao-Malalafuk Nanseli-a dalek.

2TAWARIKH 8:11

Salomo no heok saon-na fo manek Masir-ra anafe'on-na, neme Kota Dauk-ka leo uma fo ana taon fen-na neu. Nana Salomo dodoo nae, “Au saong-nga ta bole leo nai Dauk fo manek Israel-la uma manen-na fa, nanahu basa mamanak fo nai bee Peti Hehelu-balataak-ka nanape'dak-ka nde been-na, mamanak malalao-malalafuk.”

KELUARAN 32:29

Musa nafa'da leo Lewi nae, “Faik ia, emi hele hehelik emi aoinam-ma da'di imam fo nalalau-naoono Manetualain nenik ana taonisa emi anam-mala ma emi tolanom-mala, boema Manetualain fe baba'e-papalan neu emi.”

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

BILANGAN 8:19

de Au fe hataholi Lewi sila-la leo Harun no anan-nala leu, fo ela lalalau-laoono hataholi Israel-la, nai Au Lalaa Temang dale. Boeo, fo ela loke Au fe do'o do ampon neu leoina Israel-la, fo ela metema ala mai deka lanseli loo mamana malalao-malalafuk ndia soona, soe bodo tuni la'e leoina ndia.”

2 KORINTUS 4:5

Halak fo ami manduku-malosa kana ndia, ta nde halak la'eneu ami fa, tehu la'eneu Yesus Kristus nae Ndia nde bee na Lamatuak ma ami nde bee na o ata mala, nanahu ndia.

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.