2TAWARIKH 34:7 - Susula Malalaok Hehelu Palak Ma Hehelu Beuk

⁷ Yosia tao nakalulutuk mei tunu-hotuk-kala ma lamatua daebafa Inak Asyera dodoki-dudulan nai basa Nusak Kii lala'en-na, ma ana tao nakalulutuk basa mei tunu-hotu boomenik-kala. Basa boema Yosia fali ne'un leo Yerusalem neu.

2TAWARIKH 34:7 ပူးပေါင်းရင်းမြစ်များ

2RAJA-RAJA 10:26

de ala kalua heni Baal dodoki-dudulan, de ala hotu henis.

2RAJA-RAJA 23:15

Yosia boeo, ana tao nalutu mamana sene-do'ok manai Betel-la. Mane Yerobeam, fo Nebat anan-na, nde napadedeik-kana-manek fo, manataon-na hataholi Israel-la lasala-lasingo so. Boema, Yosia tao naba'e mei tunu-hotuk, fo mamana sene-do'ok ndia, de ana hotu henin, sama-sama no lamatua daebafa inak Asyera, dodoki-dudulan, neme ndia.

2RAJA-RAJA 23:19

Mane Yosia, tao natu'u basa mane-manek Israel-la, tao mamanak-kala nai basa kota-kota manai Israel-la, fo ala sene-do'ok neu lamatua daebafak-ka, fo manataon-na Manetualain da'di namanasa so. Hata fo Mane Yosia taon nai Betel-la, ana taon neu basa mei tunu-hotuk manai Israel-lala'en-na boe.

2TAWARIKH 14:2

Asa nandaa no Manetualain dalen-na nenik ana tao hata fo ndoos ma matetuk ma malole.

2TAWARIKH 14:5

Basa mamana sosongo-tatangok-kala ma mamana tutunu boomenik-kala, ana si'uhenis leme kota-kota Yehuda-la mai. Boema nusak ndia nee nee-lino lino nai paletan dae,

2TAWARIKH 31:1

Basa fata boema, basa laun-na lala'en-na leu leo kota-kota manai Yehuda, boema ala tao lakalulutuk lutu batu sosongo-tatangok ma ala hea labuu dodoki-dudulak fo lapadedeik fe lamatua daebafa Inak Asyera, ma ala tao lakalulutuk mei tutunu-hohotuk-kala ma mamana sosongo-tatangok-kala. Ala tao leondiak boe nai mamana-mamanak fe'ek manai Yehuda, boema nai Benyamin, Efraim ma Manasye nusan-na. Basa ndia boema esa-esak fali ne'un leo nusan-na neu.

2TAWARIKH 34:1

Yosia teun falu, nai lelek ana da'di manek Yehuda, de ana paleta nai Yerusalem teuk teluhulu esa dalen-na.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

YESAYA 17:8

Neukose ala ta lamahena sila ue-osan buna-boan so'on, fo nde mei tunu-hotuk fo mamana tutunu boomenik-ka, ma lamatua daebafa Inak Asyera dodoki-dudulan.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

MIKHA 1:7

Neukose Au akalulutuk dodoki-dudula kabeli inan-nala, ma neukose Au hotu heni basa ala fe bua-lo'as neu ina-inak fo lalalau-laoono nai uma sosongok-ka, boema neukose Au tao amopo-amate sosongo-tatangon lala'en-na. Bua-lo'as sila-la nde been-na, buna-baok neme sila huhule-haladoin neu lamatua daebafak fo manafe dae-oe naisi-namina. Besak ia, neukose musu ho'i neni basa sila-la, fo loke makasi neu sila lamatua daebafan-nala.”

ULANGAN 9:21

Au tapa heni, emi taom-ma, sapi liti nanadoki-dulak-ka, leo ha'i dale neu. Boema, au tao akalulutuk-kana, ma au paun losa lutu-lutu sama leo afu-ka, boema au tapa heni afu ndia leo leeanak dale neu; lee anak ndia, ana faa neme letek ndia huun-na mai.