2TAWARIKH 34:4 - Susula Malalaok Hehelu Palak Ma Hehelu Beuk

⁴ Yosia ana boa-nala tao lakalulutuk dodoki-dudulak ma sosongo-tatangok boema ala nggali sosongo-tatangok sila-la sopun-nala leo hataholi fo manafe tutunu-hohotuk neu sosongo-tatangok sila-la laten lain. Ala tao lakalulutuk Baal mei tunu-hotun-nala ma mei tunu-hotu boomenik manai sila-la.

2TAWARIKH 34:4 ပူးပေါင်းရင်းမြစ်များ

1RAJA-RAJA 13:2

No Manetualain paleta-na, de nabi ndia naloo bou-bou neu mei tunu-hotuk ndia nae, “Hai mei tunu-hotuk, hai mei tunu-hotuk-ka nei! Manetualain nafa'da nae leoia, ‘Ni'iana esa neukose nanafoik na'de Yosia, neukose bongin nai Dauk teidalen-na dalek. Nai o lain, hai mei tunu-hotuk-ka nei, neukose ana taonisa imam-imam fo lalalau-laoono lai mamana hule-haladoik-kala neu lamatua daebafak-ka, ma manafe basa tutunu-hohotuk nai o lain so boe. Ma nai o lain boe, neukose ana hotu hataholi daebafak-ka dui nala.’ ”

2TAWARIKH 14:5

Basa mamana sosongo-tatangok-kala ma mamana tutunu boomenik-kala, ana si'uhenis leme kota-kota Yehuda-la mai. Boema nusak ndia nee nee-lino lino nai paletan dae,

2TAWARIKH 30:14

Basa mei tunu-hotuk manai Yerusalem fo nanapakek soaneu fe tutunu-hohotuk ma hotu boomenik fe lamatua daebafak-kala, ala ko'o-las de ala tu'uhenis leo Bafak Kidron-na dalek neu.

2TAWARIKH 31:1

Basa fata boema, basa laun-na lala'en-na leu leo kota-kota manai Yehuda, boema ala tao lakalulutuk lutu batu sosongo-tatangok ma ala hea labuu dodoki-dudulak fo lapadedeik fe lamatua daebafa Inak Asyera, ma ala tao lakalulutuk mei tutunu-hohotuk-kala ma mamana sosongo-tatangok-kala. Ala tao leondiak boe nai mamana-mamanak fe'ek manai Yehuda, boema nai Benyamin, Efraim ma Manasye nusan-na. Basa ndia boema esa-esak fali ne'un leo nusan-na neu.

2TAWARIKH 33:22

Ana nasala-nasingo neu Manetualain sama leo aman boe. Ana sene-do'ok neu sosongo-tatangok fo aman sene-do'ok-kala, ma ana fe tutunu-hohotuk neu sosongo-tatangok sila-la.

2TAWARIKH 33:3

Mamana sosongo-tatangok fo aman Hizkia tao nakalulutuk-kasa, ana nafofo'a falik-kasa. Ana nafofo'a mei tunu-hotuk soaneu sene-do'ok neu Baal-la, ma ana tao lamatua daebafa Inak Asyera dodoki-dudulan, boema ana sene-do'ok neu nduuk-kala.

2TAWARIKH 34:33

Sosongo-tatangok nanamaluak manai basa mamanak-kala, fo nai hataholi Israel-la nusan-na boe, Manek Yosia tao nakalulutuk la'iesak-kasa. Boema nakaseti laun-na fo sene-do'ok neu Amak, fo sila bei-ba'i kain Manetualain-na. Boema nai Yosia fai maso'dan-na dalek, laun-na lilineka lahele neu Manetualain.

2TAWARIKH 34:7

Yosia tao nakalulutuk mei tunu-hotuk-kala ma lamatua daebafa Inak Asyera dodoki-dudulan nai basa Nusak Kii lala'en-na, ma ana tao nakalulutuk basa mei tunu-hotu boomenik-kala. Basa boema Yosia fali ne'un leo Yerusalem neu.

MAZMUR 18:42

Ala nggasi, tehu ta hapu manatulu-fali fa, ala laloo bou-bou neu Manetualain tehu Ana ta nataa fa.

KELUARAN 23:24

Boso sene-do'ok neu sila dodoki-dudula manamasulu-mahapan-na, ma boso nana dulak neme sila makaluku-makatelen eno-dalan mai. Tao makalulutuk sila dodoki-dudulan manamasulu-mahapan sila-la, ma tao mala'di dii batu fo ala paken soaneu makaluku-makatele.

KELUARAN 32:20

Basa boema, ana ho'in-na hataholi Israel-la tao-la sapi nanadoki-dulak ndia de ana hotun, boema ana ha'bo nan lutu-lutu sama leo daesopuk, boema ana nggalin leo oe lain neu. Basa boema, nadenu hataholi Israel-la linun.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.

ULANGAN 9:21

Au tapa heni, emi taom-ma, sapi liti nanadoki-dulak-ka, leo ha'i dale neu. Boema, au tao akalulutuk-kana, ma au paun losa lutu-lutu sama leo afu-ka, boema au tapa heni afu ndia leo leeanak dale neu; lee anak ndia, ana faa neme letek ndia huun-na mai.