2TAWARIKH 34:3 - Susula Malalaok Hehelu Palak Ma Hehelu Beuk

³ Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

2TAWARIKH 34:3 ပူးပေါင်းရင်းမြစ်များ

1RAJA-RAJA 13:2

No Manetualain paleta-na, de nabi ndia naloo bou-bou neu mei tunu-hotuk ndia nae, “Hai mei tunu-hotuk, hai mei tunu-hotuk-ka nei! Manetualain nafa'da nae leoia, ‘Ni'iana esa neukose nanafoik na'de Yosia, neukose bongin nai Dauk teidalen-na dalek. Nai o lain, hai mei tunu-hotuk-ka nei, neukose ana taonisa imam-imam fo lalalau-laoono lai mamana hule-haladoik-kala neu lamatua daebafak-ka, ma manafe basa tutunu-hohotuk nai o lain so boe. Ma nai o lain boe, neukose ana hotu hataholi daebafak-ka dui nala.’ ”

2RAJA-RAJA 10:27

Ala tao lakalulutuk dodoki-dudulak ndia, sama-sama no uman-na, boema ala tao mamanak ndia, da'di mamana teteik, ma momoek, losa faik ia.

2RAJA-RAJA 18:4

Ana tao nakalulutuk lamatua daebafak-ka mamana sosongo-tatangon-nala, ma ana tao natu'u batu lutun-nala, boema ana tao nalutu lamatua daebafak Inak Asyera, dodoki-dudulan. Boeo ana tao nakalulutuk menge liti, fo Musa taok-ka, fo loken lae Nehustan. Nana, losa lelek ndia, hataholi Israel-la, bei tunu boomenik fo fe ha'da-holomata neu menge liti ndia.

2RAJA-RAJA 20:5

fali leo Hizkia, fo Manetualain anan-nala manen-na, fo nanduku-nalosak hala heheluk-ka nde ia, “Au, Manetualain, fo o bei-ba'i kaim Dauk, sene-do'ok-ka. Au amanene o huhule-haladoim, ma Au ita basa, o luu oe-ma so. Neukose, Au tao alea-ahai o; binesak te, neukose o muu leo Au Umang muu.

2RAJA-RAJA 23:14

Ana tao natu'u lamatua daebafak-kala batu lutun-nala, ma lamatua daebafa inak Asyera, dodoki-dudulan, boema dae, fo nai bee, batu lutu ma dodoki-dudulak sila-la lapadeik-ka, Yosia nakadofu ketun nenik, hataholi-la duin-nala.

2RAJA-RAJA 23:4

Basa ndia boema, manek-ka paleta Imam Manai lain-na, fo Hilkia, basa imam manai Hilkia dae, ma basa manamanea Manetualain Uman-na lelesun-na, fo daenga ala kalua heni basa bua-lo'as fo, ala paken soaneu ala sene-do'ok neu Baal-la, neu lamatua daebafa inak Asyera, ma nduuk-kala, neme uma ndia dalek mai. Manek Yosia hotu heni basa bua-lo'as sila-la, neme kota deak, fo deka no Bafak Kidron-na, boema ana hulu nini afun-na, de ninin leo Betel neu.

1 TAWARIKH 22:5

Dauk tao basa sila-la nanahu ana dodoo nae leo ia, “Au muse sadia memak hata fo paluun soaneu nafofo'a Manetualain Uman na. Nana au anamaneng Salomo bei anak ka de malelan na beita dai fa, te se'kona Manetualain Uman fo neukose nananafofo'ak ndia muse mana'ahiik ma nanakoa-kiok nai basa daebafak ka lala'en-na.” Boema Dauk beita mate fan te, ana sadia na uma ndia ai batun makadotok.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

1 TAWARIKH 29:1

Boema Dauk nafa'da basa hataholi manamakabubuak lai sila-la nae, “Neme basa au anamaneng-nala mai te, Manetualain helek-ka nde Salomo. Tehu Salomo bei muli-soluk nanseli ma malelan-na beita dai fa, te se'kona tatao-nono'ik ia ba'un-na seli. Basa bai te, nananafofo'ak ia ta uma manek soaneu hataholi daebafak fa, tehu uma soaneu Manetualain.

2TAWARIKH 14:6

nalosa ana hapu nafofo'a kota musu soaneu Yehuda kota-kota-nala. Teuk de'ubee dalen-na natee-natatik ta, nanahu Manetualain fen so'dak mole-dame-a.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 30:14

Basa mei tunu-hotuk manai Yerusalem fo nanapakek soaneu fe tutunu-hohotuk ma hotu boomenik fe lamatua daebafak-kala, ala ko'o-las de ala tu'uhenis leo Bafak Kidron-na dalek neu.

2TAWARIKH 33:15

Ana pe'da nadook leoina fe'ek-kala lamatua daebafan-nala dodoki-dudulan, boema sosongo-tatangok fo nanape'dak nai Manetualain Uman-na. Ana ofeheni mei tunu-hotu sosongo-tatangok fo manai pupukuk manai Manetualain Uman-na, ma nai mamana fe'e-fe'ek manai Yerusalem-mala. Neni basa sila-la leo kota deak neu, boema ana tapahenis.

2TAWARIKH 33:17

Laun-na bei fe tutunu-hohotuk nai mamanak tutunu-hohotu fe'ek-kala, tehu tutunu-hohotuk sila-la nde bee na soaneu Manetualain.

2TAWARIKH 33:22

Ana nasala-nasingo neu Manetualain sama leo aman boe. Ana sene-do'ok neu sosongo-tatangok fo aman sene-do'ok-kala, ma ana fe tutunu-hohotuk neu sosongo-tatangok sila-la.

2TAWARIKH 34:33

Sosongo-tatangok nanamaluak manai basa mamanak-kala, fo nai hataholi Israel-la nusan-na boe, Manek Yosia tao nakalulutuk la'iesak-kasa. Boema nakaseti laun-na fo sene-do'ok neu Amak, fo sila bei-ba'i kain Manetualain-na. Boema nai Yosia fai maso'dan-na dalek, laun-na lilineka lahele neu Manetualain.

MAZMUR 119:9

Hataholi muli-soluk-ka, nanea so'dan-na, fo bu'u-ba'en ta, metema naso'da tunga O paletam-ma.

MAZMUR 71:5

Nana au namahehenang-nga nde O ou Manetualain, Manetualain, au amahele O, neme tepo lelek, au muli-solung-nga.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

AMSAL 20:11

Neme ni'iana tatao-nono'in mai-a, bisa bubuluk, ade, ha'da-tataon malole ma ndoos do ta.

AMSAL 8:17

Au sue lai sila fo lahik neu au; manasanga au-a, neukose latongo lo au.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

2 TIMOTIUS 3:15

O muse mafandendelek te, o malelak Susula Malalao ka te, o bei ana ka. Susula Malalaok ndia nde fe o malelak, soaneu o hapu so'da-mole ka tunga o mamahele neu Yesus Kristus.