2TAWARIKH 34:2 - Susula Malalaok Hehelu Palak Ma Hehelu Beuk

² Ana tao hata fo nandaa no Manetualain dalen-na; ana tunga ba'in Dauk heo-hilun, ma ana tunga Manetualain hoholo-lalanen lala'en-na no dale katematuak.

2TAWARIKH 34:2 ပူးပေါင်းရင်းမြစ်များ

1RAJA-RAJA 14:8

Au fe basa o, nusak fo Au loso an neme Dauk tititi-nonosin-nala mai. Tehu o ta sama leo Au atang Dauk fa. Ana lilineka te'e-te'e neu au ma ana tunga Au paletang-ngala. Ana taok-ka'da hata fo Au akaheik ana taon.

1RAJA-RAJA 15:5

Manetualain tao dede'ak ndia hu kande Dauk tao namahoko dalen-na so. Ta la'iesa boen fo Dauk la'olena Manetualain paletan-nala fa, ta'da fe'e nai Uria fo hataholi Het ndia, dede'a na dalek.

2RAJA-RAJA 22:2

Yosia tao hata, fo nandaa no Manetualain dalen-na. Ana tunga bei-ba'i kain Mane Dauk-ka heo-hilun, de ana tunga basa Manetualain hoholo-lalanen lala'en-na, no dalek-katematuan-na.

2TAWARIKH 14:2

Asa nandaa no Manetualain dalen-na nenik ana tao hata fo ndoos ma matetuk ma malole.

2TAWARIKH 17:3

Manetualain ba'e-pala Yosafat nanahu ana tunga aman ei tata'bu-na; ana ta sene-do'ok neu Baal fa,

2TAWARIKH 17:4

te ana sene-do'ok neu Manetualain. Ana tunga Manetualain paletan-nala, ma so'da-na ta sama leo Israel manen-nala fa.

2TAWARIKH 29:2

Hizkia tao hata fo nandaa no Manetualain dalen-na sama leo bei-ba'i kain Manek Dauk-ka.

2TAWARIKH 34:3

Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

AMSAL 4:27

Madook aoinam-ma neme mangalauk-ka mai, ma maso'da tunga ndoon-na. Boso singo meme eno ndoos-sa mai makandondook.

ULANGAN 17:11

Sipom-ma, sila nakeketun-na, fo maketun tunga sila nakeketun-na, losa dede'a anak-kala boe.

ULANGAN 17:20

Metema, ana lees matalololen soona, neukose ana ta tatao oan nae ndia malole lena neme hataholi fo, sila leoina esa, ma neukose ana ta la'olena Manetualain paletan-nala, no enok leobeek ndia boe. Boema, ndia no tititi-nonosin-nala, neukose ala paleta leoinan, neme bobongik leo bobongik neu.”

ULANGAN 28:14

Tehu boso mafandeleheni paleta sila-la makandondook, nenik enok matak leo beek-ka boe. Boeo, boso sene-do'ok ma mamahele neu lamatua daebafak-kala.”

ULANGAN 5:32

Tolano-tolanoong-ngala lemin, tunga no dale katematuak, neu basa hata fo emi Manetualaim-ma paletan neu emi. Boso la'olena paleta sila-la esa boen.

YOSUA 1:7

Ka'da ela leo been-na, te'e-te'e o mamahele ma mapalani. O muse manea, fo ela o tunga la'iesak hoholo-lalanek, fo Musa Au atang ndia, ana fen neu o, o boso mafandele heni faa anak boen, soona neukose o hapu buna-boan.

YOSUA 23:6

Hu ndia de, manea leona, fo ela emi tunga ma makalala'ok basa hata lala'en fo nanasulak nai Musa Susula Hoholo-lalanen dale, Boso la'olena hoholo-lalanek sila-la, esa boen.