2TAWARIKH 33:7 - Susula Malalaok Hehelu Palak Ma Hehelu Beuk

⁷ Ana pe'da dodoki-dudulak sosongo-tatangok leo Manetualain Uman dale neu, te se'kona la'eneu mamanak ndia, Manetualain nafa'da basa neu Dauk ma anamanen Salomo nae, “Au Umang manai Yerusalem ia, fo Au hele basan neme Israel leo kasanahulu dua-nala nusa-na mai so, nde bee na ana da'di mamanak fo Au aketun da'di leo mamanak makaluku-makatele neu Au losa dodoon-na.

2TAWARIKH 33:7 ပူးပေါင်းရင်းမြစ်များ

1RAJA-RAJA 11:13

Tehu Au ta loso-a nusak ndia lala'en-na neme o anam-ma mai fa. Hu kande Au atang Dauk, ma hu kande Yerusalem fo Au taon da'di Au kotang ndia so, de neukose Au ela leo esa soaneu o anamanem-ma.”

1RAJA-RAJA 11:32

Neukose leo esa nahele no Salomo, hu kande Au atang Dauk, ma hu kande Yerusalem, fo Au hele basan neme basa nusak Israel-la lala'en-na mai fo ana da'di Au kotang.

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

1RAJA-RAJA 8:29

Ela leo been-na lele'do-le'odaen O masulu-mahapa uma ia, fo O hele basan da'dileo mamana hule-haladoik neu O. Ela leo been-na neme O mamana leleom manai nusa so'dak-ka, O mamanene ma fe do'o do ampon neu au boema O ana mala metema ami masale leo uma ia mai fo hule-haladoi neu O.

1RAJA-RAJA 8:44

Metema O paleta O ana mala soaneu leu latee-latati la'ban musu a, boema su'di lai mamanak bee boe, ala lasale leo kota fo O nde helen ia mai, ma ala hule-haladoi lasale leo uma fo au afofo'an soaneu O ia soona,

1RAJA-RAJA 8:48

Metema nai nusak ndia, sila no dale ndoos ma te'e-te'e tukatei-saledale leme sala-singo nala mai, ma ala hule-haladoi neu O no lasale leo nusak fo O fen neu ami bei ba'i kai mala ia, lasale leo kota fo O nde helen na, ma uma hule-haladoik fo au afofo'a basan soaneu O ia,

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

2RAJA-RAJA 23:6

Ana kalua heni Lamatua Daebafa Inak Asyera, dodoki-dudulan neme Manetualain Uman dale mai, de nenis leo kota deak neu, fo leo Bafak Kidron-na neu. Ana hotu heni dodoki-dudulak sila-la, neme Bafak Kidron-na, boema ana pau ha'i kaan-na, de sopuanak, boema ana nggali afun-na leo laun-nala mamana loo-laten neu.

2TAWARIKH 33:15

Ana pe'da nadook leoina fe'ek-kala lamatua daebafan-nala dodoki-dudulan, boema sosongo-tatangok fo nanape'dak nai Manetualain Uman-na. Ana ofeheni mei tunu-hotu sosongo-tatangok fo manai pupukuk manai Manetualain Uman-na, ma nai mamana fe'e-fe'ek manai Yerusalem-mala. Neni basa sila-la leo kota deak neu, boema ana tapahenis.

2TAWARIKH 33:4

Manetualain nafa'da basa nae Yerusalem nde bee na mamana mamaso-kakasi soaneun losa dodoo na, tehu nai naa fo nai Manetualain Uman ndia, Manasye napadedeik mei tunu-hotuk soaneu lamatua daebafak-kala so.

2TAWARIKH 7:16

Basa sila-la, neukose Au taon nanahu Au hele basa mamanak ia ma Au taon da'di mamana makaluku-makatele hehelik neu Au losa dodoon-na. Neukose Au taoafik-kana ma Au asulu-ahapan neme doon losa doon-na.

MAZMUR 78:68

Fo Ana helek-ka nde, leo Yehuda, ma Ana sue-laik-ka nde, Pupukuk Sion-na.

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

HAKIM-HAKIM 17:3

Mikha fe falik doik sila leo inan neu, boema inan nae, “a Anang-ngonei, ela leo been-na, o matapo'i meme au soo-supang ndia mai, fo au tunu-hotu fe Manetualain doi fulak ia-la, fo paken soaneu tao dodoki-dudulak neme ai mai, soona nakadiditak-ka nenik do fulak. Da'di, au fe falik doik sila-la leo o neu.”