2TAWARIKH 33:4 - Susula Malalaok Hehelu Palak Ma Hehelu Beuk

⁴ Manetualain nafa'da basa nae Yerusalem nde bee na mamana mamaso-kakasi soaneun losa dodoo na, tehu nai naa fo nai Manetualain Uman ndia, Manasye napadedeik mei tunu-hotuk soaneu lamatua daebafak-kala so.

2TAWARIKH 33:4 ပူးပေါင်းရင်းမြစ်များ

1RAJA-RAJA 8:29

Ela leo been-na lele'do-le'odaen O masulu-mahapa uma ia, fo O hele basan da'dileo mamana hule-haladoik neu O. Ela leo been-na neme O mamana leleom manai nusa so'dak-ka, O mamanene ma fe do'o do ampon neu au boema O ana mala metema ami masale leo uma ia mai fo hule-haladoi neu O.

1RAJA-RAJA 9:3

Manetualain nafa'dan nae, “O hule-haladoim Au amanenen so, ma no uma fo o mapadedeik basan ia, Au aketu ana da'di mamana hehelik soaneu hule-haladoi neu Au losa dodoon-na. Neukose Au taoafik ma anea mamanak ia tataas esa.

2RAJA-RAJA 16:11

Boema, Uria taon-na mei tunu-hotuk esa, sama no ana sipo mei tunu-hotuk-ka, lupan-na, ma uuku-dodoun. Ana tao basa mei tunu-hotuk ndia te, Ahas beita fali ne'u fan.

2RAJA-RAJA 16:16

Uria tao tunga mane Ahas-sa paletan-na.

2TAWARIKH 28:24

Basa boema ana ho'i-na basa Manetualain Uman-na bua-lo'an de ana tao nakalulutuk-kasa. Boema ana kena Manetualain Uman-na, ma napadedeik mei tunu-hotuk nai basa Yerusalem lala'en-na.

2TAWARIKH 32:19

Ala kokolak la'eneu Manetualain fo nanasene-do'ok nai Yerusalem sama-na leo la'eneu leoina fe'e-kala lamatua daebafa-nala, fo nde dodoki-dudulak fo hataholi daebafak-ka nde taon-nana.

2TAWARIKH 33:15

Ana pe'da nadook leoina fe'ek-kala lamatua daebafan-nala dodoki-dudulan, boema sosongo-tatangok fo nanape'dak nai Manetualain Uman-na. Ana ofeheni mei tunu-hotu sosongo-tatangok fo manai pupukuk manai Manetualain Uman-na, ma nai mamana fe'e-fe'ek manai Yerusalem-mala. Neni basa sila-la leo kota deak neu, boema ana tapahenis.

2TAWARIKH 33:7

Ana pe'da dodoki-dudulak sosongo-tatangok leo Manetualain Uman dale neu, te se'kona la'eneu mamanak ndia, Manetualain nafa'da basa neu Dauk ma anamanen Salomo nae, “Au Umang manai Yerusalem ia, fo Au hele basan neme Israel leo kasanahulu dua-nala nusa-na mai so, nde bee na ana da'di mamanak fo Au aketun da'di leo mamanak makaluku-makatele neu Au losa dodoon-na.

2TAWARIKH 34:11

leo tukang-ngala ma tuka manalapadedeik uma fo sueka'nde ala asa batu ma ai soaneu tao lahii basa uma nalutuk fo mane-manek Yehuda-la ta taoafik neu sila fa.

2TAWARIKH 7:16

Basa sila-la, neukose Au taon nanahu Au hele basa mamanak ia ma Au taon da'di mamana makaluku-makatele hehelik neu Au losa dodoon-na. Neukose Au taoafik-kana ma Au asulu-ahapan neme doon losa doon-na.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.