2TAWARIKH 33:16 - Susula Malalaok Hehelu Palak Ma Hehelu Beuk

¹⁶ Basa boema ana tao nahii mei tunu-hotuk fo mamana makaluku-makatele neu Manetualain-na, boema ana fe tutunu-hohotu mole-dame ma tutunu-hohotu makasi neu ndia. Nadenu basa hataholi Yehuda-la sene-do'ok neu Israel Manetualain.

2TAWARIKH 33:16 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

1RAJA-RAJA 18:30

Boema Elia nafa'da basa laun sila-lala'en-na nae, “Mai deka!” Sila basa-basas lakabubua lai boboa-kaisun, basa boema ana mulai tao matalolole Manetualain mei tunu-hotun fo ndefaheni so.

2TAWARIKH 14:3

Ana si'uheni leoina fe'ek-kala mei tunu-hotun-nala ma mamana sosongo-tatangon-nala. Ana tao nakalulutuk lamatua daebafak-kala batu lutun-nala, ma lamatua daebafak Inak Asyera dodoki-dudulan diin-nala.

2TAWARIKH 14:4

Nadenu laun Yehuda-la laso'da tunga Amak, fo sila bei-ba'i kain-nala Manetualain-na hihii-nanaun, ma ala tunga nanolin ma paletan-nala.

2TAWARIKH 29:18

Boema hataholi Lewi sila-la leni fe Manek Hizkia halak lae, “Ami tao malalao-malalafu basa Manetualain Uman-na lala'en-na so, ma mei tunu-hotu nanatunuk-ka boe, mei soaneu pe'da loti nanasadia-ka, ma basa bua-lo'an-nala.

2TAWARIKH 29:31

Basa ndia boema, Hizkia nafa'da nae, “Hu kande emi nanafe hehelik soaneu Manetualain so, de da'dileo emi tutunu-hohotu makasim-ma, emi muse meni tutunu-hohotuk leo Manetualain Uman mai.” Boema basa hataholi manai sila-la leni tutunu-hohotuk sila-la, nakalena hapu nggelok no dale hihii-nanau mesan-na, neni bana soaneu ana tunu-hotun da'dileo tutunu-hohotu nanatunuk.

2TAWARIKH 30:12

Nai Yehuda boeo Manetualain tao-no'i de laun-na dalek esa soaneu tunga te'e-te'e neu Manetualain hihii-nanaun nenik ala tunga manek-ka ma hataholi mana'a ngga'din-nala paletan-na.

2TAWARIKH 33:9

Manasye taon-na laun Yehuda-la tao sala-singok fo mangalau-na lena neme sala-singok leoina fo Manetualain usihenis leme Kanaan mai, nai lelek Manetualain anan-nala masok nusak ndia, tao-no'ik-ka.

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”