2TAWARIKH 33:13 - Susula Malalaok Hehelu Palak Ma Hehelu Beuk

¹³ Manetualain sipok Manasye huhule-haladoin, de Ana fe falik-kana eo Yerusalem neu fo ana paleta seluk. Hu kande manada'dik ndia de, Manasye da'di namahele nae Amak-ka nde bee na Manetualain.

2TAWARIKH 33:13 ပူးပေါင်းရင်းမြစ်များ

KEJADIAN 25:21

Hu kande Ribka ta bongi fa, de Isak hule-haladoi neu Manetualain soaneu saoinan Ribka. De Manetualain sipok Isak huhule-haladoin, boema Ribka nailu.

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

1RAJA-RAJA 8:50

Fe do'o do ampon neu basa sala-singok ma sila nalelesin la'eneu O a, ma tao ma sila musun-nala tao malole neus.

2RAJA-RAJA 13:4

Boema, Yoahas hule-haladoi neu Manetualain, de Manetualain namanene hule-haladoin ndia, nanahu Manetualain nita mane Siria no tatao-nono'i ha'da hataholi taa-na, de ana tuni-ndeni nangge'a hataholi Israel-la.

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

2TAWARIKH 12:7

Lelek fo Manetualain nita nae lakaloe-lakadae aoina-nala boema, Ana kokolak seluk no Semaya, nae, “Hu kande ala manaku sila sala-singon-nala, de neukose Au ta tao amopo-amates so'on. Neukose no lai-laik Au soi-tefa-alas; neukose Yerusalem ta nakalulutuk fa. Leomae leondiak boe, neukose

2TAWARIKH 33:18

Tutui fe'ek la'eneu Manasye, ma la'eneu huhule-haladoin neu Manetualain-na, boema Manetualain hala-hehelun fo nabi-la landuku-lalosak-kana nenik Israel Manetualain na'den-na, basa-basas nanasula basak nai Mane-manek Israel-la susula Tutuin dale so.

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

EZRA 8:23

Boema ami okaaom-mala ma hule-haladoi neu Manetualain, fo ami moke nasulu-nahapak, de Ana sipok ami hule-haladoim boe.

AYUB 22:22

Sipo-ma hata fo, Manetualain nanolin neu o; pe'da basa sila-la, nai o dalem dale.

AYUB 22:23

Fali leo Manetualain mai, no dale taidaek ela leo been-na, tatao-nono'i mangalauk manai o umam-ma, mate'en leona.

AYUB 22:27

Metema, o hule-haladoi soona, neukose nataa o, ma o bisa tao matetu basa o hehelu-balataam lala'en-na.

AYUB 36:11

Metema, ala tunga Manetualain, ma lalalao-laoonon neun, soona laso'da no mole-dame ma tetu-temak, losa sila fai maso'dan-na, nate'e.

AYUB 36:9

soona neukose, Manetualain buka heni sila sala-singon ma koao-ndaeaon-nala.

MAZMUR 107:13

Nai sila susan-na dalek, ala laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YEREMIA 36:7

Fafa'kama no enok ndia, fo ala hule-haladoi neu Manetualain, ma ala tuka tei-sale dale neme sila tatao-nono'i mangalaun-nala mai. Manetualain namanasa nanseli nos, de ana fepa-li'us.”

RATAPAN 3:56

Au dokodoe anseli, boso ko'oketu O di'idoom-ma soaneu au nonokeng-nga, fo ela O tulu-fali au. Boema O mamanene au huhule-haladoing, ma O mai deka; O mafa'da mae, ‘Boso bii.’

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 4:36

Lelek au dudu'a-aafing fali ma'in boema, Ana fe falik au nusang-nga matua-mademan ma nananita-nalelan leo au mai. Au hataholi mana'a ngga'ding-ngala ma hataholi matua-mademang-ngala sipok au, de ala fe falik au leo au nusang-nga neu, nakalenak au matua-mademang namatua lena heni makahulun-na.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

ULANGAN 29:6

Emi lotin ta, de emi ta mi'a fa, ma angol ta, de emi ta minu fa, ma emi ta minu ala-lalu fa, tehu Manetualain fe emi basa hata fo, emi paluun, fo ela emi bubuluk, mae Ndia nde, emi Manetualaim-ma-na.

IBRANI 8:11

Sila ta paluu lanoli sila lau nala fa, do lafa'da tolanoo nala lae, ‘Malelak Manetualain leona.’ Nanahu sila basa-basas, matua, ana, neukose lalelak Au.