2TAWARIKH 32:27 - Susula Malalaok Hehelu Palak Ma Hehelu Beuk

²⁷ Manek Hizkia da'di hataholi kamasu'ik nanseli, de basa hataholi-la fe ha'da-holomata neun. Ana tao kama-kama fo ana pe'da hata-heton, fo nde: lilopilas, lilofulak, batu poemata, bumbu-bumbu, sisili musu, ma bua-lo'a kabelik fe'ek-nala.

2TAWARIKH 32:27 ပူးပေါင်းရင်းမြစ်များ

2RAJA-RAJA 20:13

Hizkia sipok hataholi nadedenuk sila-la, de natu'dus basa su'i-beten lala'en-na, fo nde lilopilas ma lilofulak, bumbu-bumbu, ma mina kaboomenik, ma basa solda'du-la, tafa-sisilon lala'en-na. Ta hapu hata esa boen, nai uma manek-ka, ma nai basa nusa-na lala'en-na, fo ta natu'du neu fas.

1 TAWARIKH 29:28

Ana namasu'i ma nanafe ha'da-holomata de maten nai fai lasin dale. Anamanen Salomo nggatin da'di manek.

2TAWARIKH 1:12

Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

2TAWARIKH 17:5

Manetualain fe Yosafat nangatutuu matea-mahelek da'di leo manek Yehuda. Basa laun-na lala'en-na fen bua palsen de ana da'di kamasu'ik boema ala fe ha'da-holomata nanseli neun.

2TAWARIKH 32:26

Tehu mate'e-na Hizkia ma hataholi Yerusalem-mala lakaloe-lakadae aoina-nala, de nai Hizkia fai maso'da-na dalek, ana ta nakalala'ok huhukuk ndia fa.

2TAWARIKH 32:28

Nanuu uma pepe'da nana'a-nininuk soaneu dae-oen isi-minan sama leo: gandum, angol, ma mina setun; boeo nanuu lalae soaneu sapi-nala, ma bi'ilopo-nala fo makadotok nanseli sila.

2TAWARIKH 9:27

Nai tepo-lelek Salomo paleta, lilofulak-ka nalupa bua-lo'a biasa nai Yerusalem, sama leo batu, ma ai kaiou Libanon-na makadotok nanseli sama leo ai kaak biasa.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

YESKIAL 26:12

O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

SEMUEL SUSULAK-KA ESAN-NA 2:7

Hapu hataholi fo Ana taon-nan da'di nuu taa-hata taak nanseli, hapu nggelok, Ana taon-nan namasu'i boe. Hapu nggelok, nakadadaek-kana, hapu nggelok, Ana tao namadedeman boe.