2TAWARIKH 32:22 - Susula Malalaok Hehelu Palak Ma Hehelu Beuk

²² Enon-na leondiak, Manetualain soi-po'i Manek Hizkia ma laun Yerusalem-mala leme manek Sanherib-pa koasan-na mai ma, ma neme sila musu fe'e-fe'en-nala mai. Manetualain fes maso'da nee nee-lino lino-ka de ala ta hapu nakasese'bok neme nusaina manai sila titia-tatain-nala mai fa.

2TAWARIKH 32:22 ပူးပေါင်းရင်းမြစ်များ

2RAJA-RAJA 19:30

Hataholi Yehuda bei maso'dak-kala. Neukose tetu temak sama leo bubu'u-palusa, fo okan-na tola demak-ka, ma labuna-laboa.

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

MAZMUR 144:10

O fe manek-kala sesengik, ma O soi-po'i O atam Dauk.

MAZMUR 48:14

Taoafik neu papala nanadaman-na, palisak kota musun-na, fo ela emi hapu tuin neu emi tititi-nonosim mae:

MAZMUR 73:24

O hela-nole au, nenik nanoli-nafa'dak, de makabuin-na, O sipok au no ha'da-holomata.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

2 TESALONIKA 3:5

Ela leo bee na, Lamatua ka hela-nole emi, fo daenga emi boetai malelak Manetualain susue-lalain neu emi a, boema Kristus fe emi be'ibalakaik fo emi hapu makatatakak nai basa dede'ak lala'ena dalek.

SEMUEL SUSULAK-KA ESAN-NA 14:23

Latee-lata'ti su'di enok-ka nanalun-na, losa ala seli Bet-Awen. Nai faik ndia dalen-na, Manetualain soi-tefa-na Israel.