2TAWARIKH 32:21 - Susula Malalaok Hehelu Palak Ma Hehelu Beuk

²¹ Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

2TAWARIKH 32:21 ပူးပေါင်းရင်းမြစ်များ

2 SEMUEL 24:16

Boema, Manetualain ata nusa so'dan maneni mamates ndia, ana losa nai Arauna, fo hataholi Yebus ndia, mamana po'de gandum-ma so. Lelek Manetualain nita ata nusa so'dak ndia naheheleaon basa, fo ana tao namopo-namate Yerusalem boema, Manetualain dodoo nasafali seluk nakeketun-na, de Ana hahae huku leoina ndia. Nafa'da ata nusa so'dak ndia nae, “Dai so! Mate'e leona!”

2RAJA-RAJA 19:20

Basa boema, Yesaya haitua fe Manek Hizkia, hala-heheluk, fo da'di leo natataak neu manek-ka huhule-haladoin,

2TAWARIKH 32:20

Boema Manek Hizkia ma Nabi Yesaya fo Amos anan-na hule-haladoi. Ala laloo bou-bou loke tutulu-fafalik neu Manetualain.

2TAWARIKH 32:22

Enon-na leondiak, Manetualain soi-po'i Manek Hizkia ma laun Yerusalem-mala leme manek Sanherib-pa koasan-na mai ma, ma neme sila musu fe'e-fe'en-nala mai. Manetualain fes maso'da nee nee-lino lino-ka de ala ta hapu nakasese'bok neme nusaina manai sila titia-tatain-nala mai fa.

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

MAZMUR 132:18

Neukose nusan-na, so'da-molek tataas esa, tehu musun-nala, neukose nananakamamaek.”

MAZMUR 18:50

Boema au amatutua-amadedema O nai leoina-la tala'da, ma au akamee nakamee kokoa-kikiok ba'eneu O.

MAZMUR 44:15

O tao ami da'di leoina-la hala-kokola muu-daun; lakakale langa, ma lakadadaek ami.

MAZMUR 76:12

Tao matetu o hehelu-balataam neu o Manetualain. Ela leo been-na, basa leoina fo, ala leo deka, leni tunu-hotuk ba'eneu Manetualain fo, nanabii-namata'uk-ka.

MAZMUR 76:5

Tete'ek-ka, O matua-madema, ma mandela-masa'ak, lena heni lete-letek makahulun eli.

MAZMUR 76:6

Hataholi manakalok-kala, ala kalo hataholi palani-la so; ala sungu, de neukose ala ta fo'a so'on. Solda'du ao makadelek-kala mopo be'i-balakain-nala so.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

AMSAL 11:2

Hataholi manakoao-ndaeaok-ka, neukose nana nakamumulu-nakamamaek; hataholi dale taidaek-ka nde been-na, manatee-tenok.

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

YESAYA 10:8

Namatutua-namadedema aoinan-na nae, “Au malanga solda'du manai laing-ngala, manek mesan-mesan!

YESAYA 14:25

Neukose Au tao amopo-amate hataholi Asyur manai Au nusang Israel-la, ma neukose Au heheta-aa'i manai letek-kala. Neukose Au soi-po'i Au leoinang, neme tuni-ndenik-ka mai, ma neme lelepak fo hataholi Asyur-ra lakasetis ala lu'a-lepan.

YESAYA 36:9

Soaneu la'ban Asyur malanga solda'du manai dae-la boeo, emi ta mapalani fa. Tehu emi boeo mamahena Masir tulu-fali emi nenik kaleta musu, ma solda'du manasa'e ndala!

YESAYA 37:21

Basa boema, Yesaya haitua fe Manek Hizkia hala heheluk, nae fo da'di leo natataak neu manek-ka huhule-haladoin,

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

DANIAL 6:22

Boema namanene Danial hala natataan-na nae, “So'dak ba'eneu Ama Manek losa dodoon-na!

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.