2TAWARIKH 32:15 - Susula Malalaok Hehelu Palak Ma Hehelu Beuk

¹⁵ Boso o'ilotak emi manem ndia ke'dindiu ma tao namanggonggoa emi! Boso mamahele neun! Nana beita la'iesa fo su'di lamatua daebafak bee boe, napalani soi-po'i leoinan neme manek Asyur-ra koasan-na mai fa. Tao leo bee o emi lamatua daebafam ndia boeo, neukose ana ta hapu soi-po'i emi fa!”

2TAWARIKH 32:15 ပူးပေါင်းရင်းမြစ်များ

1RAJA-RAJA 22:22

Manetualain natane nae, ‘Eno na tao leo beek?’ Dula dalek ndia nataa nae, ‘Neukose au u fo au tao a basa Ahab nabi nala lasapepeko-lasandandali.’ Manetualain nae, ‘Hei, taon leona, neukose o hapu fufu'di man.’ ”

2RAJA-RAJA 18:29

‘Boso nau Hizkia ke'dindiu emi; ana ta bisa soi-tefa-nala emi fa.

2RAJA-RAJA 19:10

Susulak ndia liin-na nae leo ia, “Boso nalosak, o Manetualaim, fo o mamahenak ndia, hehelu-balataan ke'di-ndiu nala o, nae neukose, o ta tu'da leo au limang dale mai fa.

2TAWARIKH 32:11

Ade Hizkia mafa'da mae o Manetualain neukose soi-po'i emi neme ami koasa-ma mai do? Boso mamahele, nana ka'da Ana ke'dindiu emi. Neukose Ana po'ilotak emi mate moo la'a-ndoes-sa ma maa ma'dak-ka.

2TAWARIKH 32:16

Bei hapu dede'a-kokolak fe'ek fo Asyur hataholi nadedenun sila-la kokolak-kana soaneu lakamumulu-lakamamaek Manetualain ma Hizkia, fo Manetualain atan ndia.

KELUARAN 10:10

Manek-ka nae, “Au ta bisa po'i emi moo inak-kala, ma emi anam-mala fa! Hata fo emi moken ndia, ka'da sama leo emi mamahena au oke Manetualain, fo Ana ba'e-pala emi. Mangale'dok ba'eneu au so, nae emi manuu dudu'a mangalauk.

KELUARAN 5:2

Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

YESAYA 36:18

Boso mamanene Hizkia! Te ka'da ana ke'di-ndiu emi, nenik nafa'da nae Manetualain neukose soi-tefa-nala emi. Ade, leoina fe'ek, lamatua daebafa-na, ana soi-tefa hai nusan-na, neme au koasang-nga mai so do beik?

YESKIAL 35:13

Hai leoina Edom-mala lemin, emi bafa maloa, ma emi koao-ndaeao neu Au. Au amanene basa sila-la so.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 8:11

Nakalenak naheek no solda'du nusa so'dak-kala malangain manai lain-na, ma ta bole tunu-hotu tutunu-hohotu su'di faik fo ala tunu-hotu fen neu malanga solda'du manai lain ndia, ma ana tao natu'u uma mamason-na.

HATAHOLI 19:26

Besak ia, tolanoo kala mita ma mamanene matam, hata fo touk mana'de Paulus ndia, tao-no'in so. Ana kokolak nae, nitu lalais fo hataholi daebafa ka doki-dula kala, nitu lalais ta sila makandondook fa. Ma ana tao na hataholi makadotok lamahele nanoli na, fo ta ka'da nai Efesus ia fa, tehu hihii nae, nai basa nusa Asia lala'ena boe.

GALATIA 1:10

Ade no enok ndia fo meten soona, nonoo ka bai de, au amahena hataholi daebafa ka, manaku au do? Ta leondiak fa! Au amahena ka'da Manetualain nde manaku au a. Ade au bei sanga enok fo, au ho'i hataholi daebafa ka dale na, fo ela ala manaku au do? Metema au bei tao leondiak soona, Kristu satan ta au fa.