2TAWARIKH 31:21 - Susula Malalaok Hehelu Palak Ma Hehelu Beuk

²¹ Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

2TAWARIKH 31:21 ပူးပေါင်းရင်းမြစ်များ

1RAJA-RAJA 2:4

Metema o tunga neu Manetualain soona, neukose Ana tao natetu hehelu-balataan nae neukose au tititi-nonosing paleta Israel, sa'di no sila dalek-katema tua na ma ao paa samanen lala'en-na lilineka tataas esa tunga paletan-nala.

2RAJA-RAJA 18:7

Hu ndia de, Manetualain tulu-fali nahelen, nalosa ana hapu buna-boak nai basa ue-osan lala'en-na dalek. Ana ta nau tunga mane Asyur-ra paletan-na, ma ana ta nau nakatele neu fan.

1 TAWARIKH 22:13

Metema o tunga basa hoholo-lalanek fo Manetualain fen neu Musa soaneu leoina Israel-la soona, neukose o hapu buna-boak. O muse mamahele te'e-te'e ma mapalani. Boso bii masasalematak moo su'di beek ka boen.

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

2TAWARIKH 14:6

nalosa ana hapu nafofo'a kota musu soaneu Yehuda kota-kota-nala. Teuk de'ubee dalen-na natee-natatik ta, nanahu Manetualain fen so'dak mole-dame-a.

2TAWARIKH 14:7

Asa nafa'da laun Yehuda-la nae, “Malolelenak ata tao tatea-tahele kota-kota-la nenik tafofo'a papala nanadamak okofefeos ma uma puni madema-la boema lelesuina-la no ai betubalan-nala. Ita koasa nusak ia nanahu ita tunga ita Manetualain hihii-nanaun so. Ana nakaboboi ita ma nanea ita so'dan-na nai ita nusan-na lala'en-na.” Boema ala mulai lafofo'a de lakababasak tatao-nono'ik ndia no malole.

2TAWARIKH 20:26

Neu fai ka haa-na boema, sila basa-basas lakabubua lai Bafak Kokoa-kikiok-ka de ala koa-kio Manetualain nana basa hata fo Ana taon. Hu ndia de bafak ndia loken lae, “Kokoa-kikiok”.

2TAWARIKH 26:5

Manamanoli-mafa'da anan-nala so'on-na nde Zakharia. Nai lelek Zakharia bei naso'da, Uzia sene-do'ok neu Manetualain no lilinekak, nalosa Manetualain ba'e-palan.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

AMSAL 3:10

soona neukose o sokam-mala, henus no gandum-ma, ma neukose o angom-mala oen-nala sasi beekao, nalosa ta hapu mamanak soaneu pe'da-fua fas.

AMSAL 3:9

Fe ha'da-holomata neu Manetualain nenik tunu-hotu fen hata fo malole, neme basa o hata-hetom, ma o dae-oem oe-isin lala'en-na,

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

YEREMIA 29:13

Neukose emi sanga Au, de emi matongo mo Au, nana emi sanga no dale katematuak.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 29:9

Hu ndia de, ela leo been-na, emi tunga basa hehelu-balataak ia-la lala'en-na, fo ela nai emi tutunga-sasangam lala'en-na dalek, neni buna-boak fe emi.

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.