2TAWARIKH 31:2 - Susula Malalaok Hehelu Palak Ma Hehelu Beuk

² Manek Hizkia napadedeik falik imam-imam ma hataholi Lewi-la esa-esak balaba'un tunga baba'ek makahulun-na. Bela-ba'uk sila-la nde, tunu-hotu tutunu-hohotu nanatunuk ma tutunu-hohotu mole-dame, lalalau-laoono makaluku-makatele nai Manetualain Uman, ma kokoa-kikiok, boema loke makasi neu Manetualain nai mamanak lala'en-na nai Manetualain Uman dale.

2TAWARIKH 31:2 ပူးပေါင်းရင်းမြစ်များ

1 TAWARIKH 16:37

Basa boema Manek Dauk ka fe bela-ba'uk neu Asaf ma hataholi Lewi fe'ek kala soaneu ala ito-ato lahele basa hata fo natutik no makaluku-makatele a nai mamanak fo nai bee Manetualain Peti Hehelu-balataan nanape'dak. Tunga faik sila muse tao bela-ba'uk lai ndia,

1 TAWARIKH 24:1

Harun anatoun haa, fo nde: Nadab, Abihu, Eleazar ma Ipopo-tamar. Nadab ma Abihu mate lakahuluk leme sila aman mai, te ana taa kala. Hu ndia de, sila tolanon Eleazar ma Ipopo-tamar da'di imam. Dauk ba'e Harun tititi-nonosin neu bubua-bubuak kala tunga sila bela-ba'un. Nai bubuak sila-la tatao-nono'in nala dalek, Zadok fo Eleazar tititi-nonosin ma Abimelekh fo Ipopo-tamar tititi-nonosin na, tulu-fali Dauk.

1 TAWARIKH 26:26

Selomit no tolano ka'a-fa'din nala hapu bela-ba'uk neu basa tutunu-hohotuk fo Manek Dauk, malanga uma loo la, mauli-malangan teidale-bobongik, ma basa malanga solda'du matuaina la tunu-hotuk kala.

2TAWARIKH 23:8

Hataholi Lewi-la ma Yehuda laun-nala lakalala'ok Yoyada paletan ndia. Hataholi fo basa ndia bela-ba'un nai fai Sabat-ta, ana ta bole fali ne'u fan. Da'di basa malanga solda'du matuaina-la esa-esak ho'i hataholin, nau hataholi fo basa bela-ba'un so, do hataholi fo besak-ka ana mai nakalala'ok bela-ba'un boe.

2TAWARIKH 24:14

Basa tatao-nono'ik ndia boema, ala fe lilopilas ma lilofulak bei elak-kala leo manek-ka ma Yoyada. Boema ala pake liliopilas ma lilofulak sila-la soaneu tao Manetualain Uman-na bua-lo'an, fo nde: bua-lo'as soaneu feta makaluku-makatele, soaneu tutunu-hohotu nanatunuk, pingak, ma boomenik, ma mango. Nai Imam Yoyada maso'dan-na dalek fo nai lelek bei naso'da ana tunu-hotu nahele tutunu-hohotu nanatunuk nai Manetualain Uman.

2TAWARIKH 31:17

Basa imam-mala nanasulak tunga sila teidale-bobongin, ma hataholi Lewi fo teun duahulu leo lain neu, nanasulak tunga bela-ba'un ma tunga nonoo manamanea-na.

2TAWARIKH 35:2

Yosia baba'e fe basa imam-mala tatao-nono'ik fo muse ala tao-no'in nai Manetualain Uman, ma nadenus fo ela ala tao-no'in no malole-na.

2TAWARIKH 5:11

Basa imam manai sila-la, ta ela esa boen laheheleaon soaneu tao feta ndia. Basa manamakameek ma manamakminak sasanu manai leo Lewi-la dalek, fo nde Asaf, Heman, Yedutun ma basa sila teidale-bobongin lala'en-na papaken-ala neme tema abalutu mai. Hataholi Lewi sila-la lapadeik lai mei tunu-hotuk-ka boboan dulu ma ala ho'u simbal ma kecapi. Imam natun esa duahulu fu trompet sama-sama los. Basa manamakameek-kala lakamee de halan-nala da'di halak esa no trompet, simbal sasanu fe'ek-kala liin-nala. Ala lakamee nakameek soaneu Manetualain-na liin-na nae leo ia: “Koa-kio Manetualain nana Ndia malole. Susue-lalain manaketu-basa taak losa dodoon-na.” Nai lelek basa imam-mala kalua leme Manetualain Uman ndia dalek mai boema, no kaiboik Uman ndia henuk no Manetualain mamain-na ndela-sa'an, nalosa ala ta hapu tao feta makaluku-makatele-a fa.

2TAWARIKH 8:14

Salomo ito-ato tatao-nono'i tunga-tunga faik soaneu basa imam-mala ma soaneu hataholi Lewi fo muse lakamee nakameek soaneu Manetualain-na ma ala tulu-fali basa imam-mala nai lakalala'ok feta makaluku-makatele-la dalek, nanadaa no aman Dauk nakaneneten-nala. Boeo basa manamanea Manetualain Uman-na, ana ba'en neu bubua-buak-kala soaneu lelesuina-la esa-esak nandaa no Manetualain atan Dauk natutu'dun-na.

EZRA 6:18

Basa boema, soaneu lau-onok nai Manetualain Uman dale-a, ala baba'e imam-mala, boema hataholi Lewi-la, tunga nakanenetek fo nanasulak nai Musa susulan dale.

MAZMUR 134:1

Nakamee dodonge-dadamak. Mai fo, koa-kio Manetualain, hai basa Manetualain atan-nala lemin, basa manamaik fo lalalau-laoono nai Manetualain Uman, nai fai le'odaen-na.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

LUKAS 1:5

Lelek fo Herodes da'di manek nai nusa Yudea, hapu imam esa na'de Zakharia. Ana masok nai imam-imam Abia nakabua na. Saoina na na'de Elisabet, fo tititi-nonosin imam boe.

LUKAS 1:8

Faik esa fo nai lelek Abia nakabua na hapu baba'ek soaneu lalalau-laoono boema, Zakharia nakalala'ok bela ba'un da'dileo imam nai Manetualain matan.