2TAWARIKH 31:14 - Susula Malalaok Hehelu Palak Ma Hehelu Beuk

¹⁴ Kore fo Yimna anan-na da'di manamanea-la malangan nai Manetualain Uman-na Lelesuinan Dulu, ana hapu bela-ba'uk soaneu sipo boa-boa fo nanafek neu Manetualain-na, boema ana baba'e boa-boa sila-la.

2TAWARIKH 31:14 ပူးပေါင်းရင်းမြစ်များ

KEJADIAN 46:17

Asyer; anan-nala nde: Yimna, Yiswa, Yiswi ma Beria, boema Serah, fo sila tolanoo inan-na. Beria anan-nala nde: Heber ma Malkiel.

1 TAWARIKH 26:12

Basa manamanea Manetualain Uman na, nanaba'ek neu bubua-bubuak kala tunga teidale-bobongin. Sila boeo nanafe bela-ba'uk nai Manetualain Uman dale sama leo hataholi Lewi fe'ek kala boe.

1 TAWARIKH 26:14

Selemya hapu nai lelesuina boboak dulu. Anan Zakharia, fo ana fe nanoli-nafa'da malole tataasesa, ana hapu nai lelesuina boboak kii.

1 TAWARIKH 26:17

Tunga faik hapu manamanea nee nai boboak dulu, hataholi haa nai boboak kii, ma hataholi haa nai boboak kona. Hataholi haa lanea gudang ngala boe; fo gudang esa soona, hataholi dua.

2TAWARIKH 31:13

Nai Konanya ma Simei dae, hapu hataholi Lewi sanahulu hapu bela-ba'uk da'di manamanea boe. Hataholi Lewi sila-la nde: Yehiel, Azazya, Nahat, Asael, Yerimot, Yozabad, Eliel, Yismakhya, Mahat, ma Benanya. Basa dede'ak sila-la, nananaketuk tunga Manek Hizkia ma Imam Matuaina Azarya natutu'u-na.

2TAWARIKH 31:15

Nai kota-kota fe'ek fo imam-mala mamana leleo-nala, hataholi Lewi fe'e-kala tulu-fali Kore. Hataholi Lewi sila-la nde: Eden, Minyamin, Yesua, Semaya, Amarya, ma Sekhanya. Ala baba'e nana'a-nininuk sila-la bekebaba'uk neu sila nonoon fo leo Lewi-a, nau lasik do mulik boe, tunga sila esa-esak bela-ba'un.

EZRA 1:4

Metema hapu hataholi esa neme anan-nala nai mamana okak ia, ana paluu tutulu-fafalik, fo ana bisa fali, soona uma titia-tatain-nala, muse fen tutulu-fafalik ndia. Sila muse fen lilofulak ma lilopilas, tua-lepa, fo na'a nai enok, boema bana, fo ana fua bua-lo'an, ma boeo tunu-hotuk soaneu Manetualain Uman-na nai Yerusalem.”

EZRA 3:5

Fe'ek neme ndia mai boe, ala fe tutunu-hohotuk nanatunuk tunga matetun-na, boema tutunu-hohotuk nai Fai Malole Bula Beuk, ma nai basa fai malole fe'ek fo ala taon, soaneu sene-do'ok neu Manetualain. Sila boeo tunu-hotu tutunu-hohotuk, fo ala fe no dale hihii-nanau mesan-nala neu Manetualain.

EZRA 7:16

Boeo ho'i meni basa lilopilas ma lilofulak fo Tolanok-ka makabubuas neme Babel lala'en-na, ma basa tutulu-fafalik neme leoina Israel-la, ma imam-mala fo soaneu sila Manetualain Uman manai Yerusalem-ma.

NEHEMIA 13:13

Au adenu hataholi fo na'den-nala nde dae ia, fo lanea kama pepe'da nana'ak sila-la: Imam Selemya, Zadok, fo hataholi esa malelaina nai Hoholo-lalanek-ka dalek, ma Pedaya fo hataholi Lewi ndia. Au fe bela-ba'uk neu Hanan fo Zakur anan-na ma Matanya upun-na, fo ala fali hataholi sila-la. Au bubuluk ae hataholi sila-la hapu nananamahelek, de neukose ala ito-ato bua-lo'as sila baba'en-na neu nonoo manatao belan-nala, tunga matetun-na.

MAZMUR 119:108

Ou Manetualain, sipo-ma au huhule-haladoi makasing-nga, ma manoli au, O hoholo-lalanem.

IMAMAT 2:10

Nana'ak ndia lenan-na soaneu basa imam-mala. Nana'ak ndia malalao-malalafuk nanseli, nanahu ho'in neme nana'ak fo nanatunu-hotu basak soaneu Manetualain so.

IMAMAT 22:18

fe Harun no anan-nala ma leoina Israel-la nakanenetek ia-la. Metema hataholi Israel esa do hataholi nusa dea esa ana leo nahele nai Israel, fe tutunu-hohotu nanatunuk fo ana bae nasar, do ana fe tutunu-hohotuk no dale hihii-nanau mesan-na soona, bana ndia muse bana mane, ma ta lu'u-la'ak fa, fo ela bisa nanasipok.

IMAMAT 23:38

Fai malole sila-la, nalupa tatamak neu fai-fai Sabat biasa, da'di tunu-hotuk sila-la nde been-na, tatamak neu emi tutunu-hohotu biasam-mala, neu emi tutunu-hohotum soaneu nasar, do tutunu-hohotuk no dale hihii-nanau mesan, fo emi fen neu Manetualain.

IMAMAT 27:28

Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

BILANGAN 29:39

Basa sila-la nde da'di nakanenetek la'eneu tutunu-hohotu nanatunuk, tutunu-hohotu nana'ak, tutunu-hohotu angol, boema tutunu-hohotu mole-dame, fo emi muse tunu-hotu fen neu Manetualain nai emi fai malolem-mala, fo nananaketu basak so. Tutunu-hohotuk sila-la, nalupa tatamak neu tutunu-hohotuk fo, emi tunu-hotun soaneu bae nasar, do tutunu-hohotuk fo, emi fe tunga emi dale hihii-nanau mesam-ma.

ULANGAN 12:17

Emi ta bole mi'a emi tutunu-hohotu neme emi hahapu dadain baba'ek esa neme ba'en neu sanahuluh fo nde gandum, angol ma mina setun-nala hahapu dadain ba'ek esa neme ba'eneu sanahuluh fa, ma emi sapim, bi'ihiik ma bi'ilopom-mala, ana nanabongi makasososan-nala, tutunu-hohotuk fo bae nasar, emi tutunu-hohotum fo, emi fe no emi dale hihiim-ma, do tutunu-hohotu fe'ek-kala, nai emi mamana leleom-ma fa.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.

ULANGAN 16:10

fo tao Feta Keketu-kokoluk, fo fe ha'da-holomata neu emi Manetualaim-ma. Nai faik ndia, emi meni fen tunu-hotuk fo, emi fe no emi dale hihiim-ma, de'u Manetualain fe emi baba'e-papalak-ka.