2TAWARIKH 30:9 - Susula Malalaok Hehelu Palak Ma Hehelu Beuk

⁹ Metema emi mamahele falik neu Manetualain soona, soona hataholi manafoo leni emi tolanoo ka'a-fa'dim-mala da'dileo hataholi nanafook-kala, neukose lanuu dale kasian fo ala fes loak fali ma'is. Emi Manetualaim-ma nde bee na Manetualain fo dale malole, ma nanuu dale kasian; de neukose Ana sipok emi metema emi fali ma'im.”

2TAWARIKH 30:9 ပူးပေါင်းရင်းမြစ်များ

1RAJA-RAJA 8:50

Fe do'o do ampon neu basa sala-singok ma sila nalelesin la'eneu O a, ma tao ma sila musun-nala tao malole neus.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 7:14

boema Au anang fo manapake Au na'deng sila-la lakaloe-lakadae aon-nala ma ala hule-haladoi boema ala mai leo Au mai ma ala tuka tei sale dale leme sila tatao-nono'i mangalaun-nala mai, soona neukose Au amanene sila huhule-haladoin neme nusa so'dak-ka mai. Neukose Au fe do'o do ampon neu sala-singon-nala ma Au tao asafali sila nusan-na da'di nusak tetu-temak seluk.

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

MAZMUR 106:46

Ana fe basa hataholi fo, manafoo nenis-sala, sue-lais.

MAZMUR 111:4

Manetualain ndia, manasue ma manalai, Ana tao tatao-nono'ik fo, dodoo doak-kana, fo ela ita tafandendelek tahelen.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YEREMIA 18:17

Leondiak boe neukose Au fe Au anang-ngala leo musu-a matan-na neu, sama leo ani timu-a fu afu-a. Metema mamate-momopok-ka mai soona, neukose Au asadea sila ma ta nau tulu-fali fas!”

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

ULANGAN 30:1

“Besak ia, emi bole hele baba'e-papalak do soo-supak-ka, sama leo au afa'da mangalele'do basan neu emi so. Metema emi la'ola'di basa doidosok sila-la, ma emi maso'da nai leoina nusa dea-la tala'da, nai mamanak fo, emi Manetualaim-ma tao tapasasala emi-a soona, neukose emi mafandele neu hata fo, au fe emi helek-ka.

ULANGAN 4:31

Emi Manetualaim-ma nde been-na, Manetualain fo dale susue-lalain ba'un-na seli. Ana ta nau la'oela emi, do Ana tao namopo-namate emi, do nafandele heni hehelu-balataak fo Ana taon no emi bei-ba'i kaim-mala fa.