2TAWARIKH 30:6 - Susula Malalaok Hehelu Palak Ma Hehelu Beuk

⁶ No manek-ka ma hataholi mana'a ngga'din-nala paletan-na, de ladenu hataholi nadedenuk neu leo basa Yehuda ma Israel lala'en-na fo leni susulak sila-la fo isi-liin nae leo ia, “Laun Israel-la lemin! Emi mala hataholi Asyur-ra koasan-na deak so. Ela leo bee na emi mamahele falik neu Amak, Manetualain fo Abraham, Isak ma Yakob sene-do'ok-ka, fo ela Ndia boeo tulu-fali seluk emi.

2TAWARIKH 30:6 ပူးပေါင်းရင်းမြစ်များ

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

2RAJA-RAJA 15:19

Lelek Pul fo Manek Asyur-ra sapu-na Israel, boema Menahem fen lilofulak kilo 34.000 fo ela ana tulu-falin, fo tao natea-nahele Menahem koasan-na neu Israel.

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

1 TAWARIKH 29:18

Ou Manetualain, fo ami bei-ba'i kaim Abraham, Isak ma Yakob sene-do'ok-ka, ela leo been-na O manea O anam-mala fo ela ala sue-lai lahele O sama leo besak ia ma tulu-falis fo ela ala lilineka leu O losa dodoon-na.

1 TAWARIKH 5:26

Hu ndia de, Manetualain nakababale Pul, fo manek Asyur-ra dalen-na, boema neu sapu-na nusak ndia. Pul boeo lalelak-kana da'di leo Tiglat-Pileser. Boema leo Ruben, Gad ma leo Manasye fo manai Yarden boboan dulu, nanafook da'di leo hataholi nanafook, de ala tu'us leo Halah, Habor, Hara ma mamanak esa deka no Lee Gozan na. Ala leo lahele lai naa losa faik ia.

2TAWARIKH 28:20

Manek Asyur ndia ana mai ta soaneu tulu-fali Ahas fa, tehu soaneu tao susan.

ESTER 8:14

Boema, ladenu hataholi sila-la, ala sa'e-la manek-ka ndalan-nala, de ala la'o leona. Ala lees susula paleta ndia, nai Susan fo nusak-ka polon-na boe.

AYUB 9:25

Au fai maso'dang-nga, sapu-lalo no lai-laik nanseli, boema mopok-kana, ta no ua-nale malole fa.

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 6:13

Nakalenak, metema nai hataholi sanahulu dalek, bei hapu hataholi esa leo nai nusak ndia soona, neukose ndia boeo nanatao namopo-namatek boe. Tehu sama leo ai keka, metema lo'o henin soona, bei ela huun-na, leondiak boe, neukose bei ela leoina ndia, fo ana da'di hataholi malalao-malalafu makasososak.”

YEREMIA 29:1

Au sulak susulak neu imam-mala, nabi-la, mauli-malanga leoina fo bei maso'dak-kala ma neu basa hataholi fe'ek fo Nebukadnezar foo nenis leme Yerusalem lo Babel neu-a.

YEREMIA 3:14

Manetualain nafa'da nae, “Hei Au anang fo, ta mana lilinekak-konei, fali ma'im-ma, leo Au mai leona! Emi nde been-na Au nuung. Neukose, neme kota esa mai soona, Au ho'i-a, emi hataholim esa, neme teidalek esa mai soona, Au ho'i-a hataholi dua, ma Au o falik emi leo Pupuku Sion-na meu.

YEREMIA 4:1

Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

YEREMIA 51:31

Hataholi nadenuk-kala lalai latututi ao leu lafa'da manek Babel-la lae kotan-na nanasapu nak neme basa bu'uk lala'en-na.

RATAPAN 3:40

Malole lenak ita palisak matalolole ita so'dan-na fo fali leo Manetualain nai nusa so'dak-ka Mai fo ata soi heni ita dalen-na, fo hule-haladoi tae,

RATAPAN 5:21

Ou Manetualain, moo falik ami leo O mai; neukose ami fali ma'im-ma leo O mai! Tao falik ami ha'da-tataom sama leo makahulun-na.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

ZAKHARIA 1:3

Tehu besak ia, au afa'da neu emi, fali ma'im-ma leo Au mai leona, soona Au boeo, fali leo emi neu boe.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!