2TAWARIKH 30:27 - Susula Malalaok Hehelu Palak Ma Hehelu Beuk

²⁷ Imam-imam-mala ma hataholi Lewi-la loke Manetualain baba'e-papalan ba'eneu laun-na, de neme mamana leleo-na nai nusa so'dak-ka, Manetualain namanene sila huhule-haladoin boema Ana sipok sila nonoke-na.

2TAWARIKH 30:27 ပူးပေါင်းရင်းမြစ်များ

1RAJA-RAJA 8:39

sa'di leo been-na, O nai O mamana leleom manai nusa so'dak-ka mamanene boema fe do'o do ampon ma tulu-falis. Ka'da O mesam-ma nde bubuluk hataholi daebafak-ka dale bobongo anan-na. Hu ndia de, tao hataholi esa-esak nandaa no tatao-nono'i nala,

2TAWARIKH 23:18

Boema Yoyada fe imam-ma ma hataholi Lewi-la bela-ba'uk soaneu ito-ato tatao-nono'ik manai Manetualain Uman tunga baba'ek fo Manek Dauk-ka naketu basan so. Sila muse fe tutunu-hohotu nanatunuk neu Manetualain – nandaa no Musa hoholo-lalanen – nenik feta ma nakameek sama leo Dauk ito-ato basak-ka.

MAZMUR 68:5

Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

KELUARAN 39:43

Musa palisak basa hata lala'en-na, de nita nae ala tao lan nandaa sama leo Manetualain paletan-na. Boema Musa fes baba'e-papalak.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

HATAHOLI 10:4

Kornalius mete ata nusa so'dak ndia no bibiik, boema nae, “Bee ka Tuan?” Boema ata nusa so'dak ndia nae, “O huhule-haladoim ma o dale malole ma, Manetualain sipo kana so, ma nafandele o.

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.

ULANGAN 26:15

Neme O mamana malalao-malalafum manai nusa so'dak-ka, o makanae ma O ba'e-pala O anam Israel; boeo O fe baba'e-papalak neu O fe ami nusak fo kamasu'ik ma maoe-maisik ndia, nandaa no O hehelu-balataam neu, ami bei-ba'i kaim-mala.’ ”