2TAWARIKH 30:15 - Susula Malalaok Hehelu Palak Ma Hehelu Beuk

¹⁵ Neu bulak ndia fain sanahulu haa boema, ala do'do bi'ilopo-la fo ala tunu-hotus da'dileo tutunu-hohotu Paskah. Basa imam ma hataholi Lewi fo manatao nalalao-nalalafu aoina beitak-kala, ala mae lanseli. Boema ala tao lalalao-lalalafu aoinan-nala nalosa ala hapu tunu-hotu tutunu-hohotu nanatunuk nai Manetualain Uman.

2TAWARIKH 30:15 ပူးပေါင်းရင်းမြစ်များ

2TAWARIKH 29:15

Basa boema laloo lakabubua hataholi Lewi fe'ek-kala fo sila-basa-basas tao lalalao-lalalafu aoina-nala. Basa ndia soona, nandaa no manek-ka paletan-na, de basa imam-mala masok leo Manetualain Uman dale leu de ala tao lalalao-lalalafu aoinan-nala tunga Manetualain hoholo-lalanen. Basa hata manggenggeok-kala ala kalua henis de lenis leo Manetualain Uman-na so'dan-na neu. Hataholi Lewi-la lenis leme ndia leo Bafak Kidron-na neu fo nai kota deak.

2TAWARIKH 29:32

Leni sapi mane hituhulu, bi'ilopo natun esa, ma bi'ilopo ana natun dua, boema ala tunu-hotun soaneu da'di tutunu-hohotu nanatunuk neu Manetualain.

2TAWARIKH 29:34

Imam-imam fo manatao nalalao-nalalafu aoina-na ka'da lumaanak nanseli soaneu ali bana sila-la loun-na. Hu ndia de hataholi Lewi-la tulu-falis, nanahu hataholi Lewi-la lilinekan ba'un-na seli neu nakanenetek tao nalalao-nalalafu aoina-ka. Ala tulu-fali lahele losa imam fo manatao nalalao-nalalafu aoina-ka dai.

2TAWARIKH 30:13

Neu bula kadua boema laun makadotok nanseli lakabubua nai Yerusalem fo ala tunga feta Fai Matua Loti Ta Pake Laluteik-ka

2TAWARIKH 30:24

Manek Hizkia fe sapi mane lifun esa ma bi'ilopo lifun hitu. Hizkia hataholi mana'a ngga'din-nala fe sapimane lifun esa ma bi'ilopo lifun sanahulu. Ala fe basa bana sila-la leo laun-na neu fo ala do'dos fo la'a. Imam makadotok nanseli tao lalalao-lalalafu aoinan-nala.

2TAWARIKH 31:18

Ala sulak basa-basas sama-sama loo sao-anan-nala, ma hataholi manai sila uman dale-la, nana sila muse laheheleaon tunga faik lakalala'ok sila bela-ba'u hehelin-na soaneu Manetualain.

2TAWARIKH 35:6

Emi muse do'do bi'ilopo soaneu feta Paskah. Hu ndia de maheheleaom leona, fo ela nandaa sene-do'ok neu Manetualain, ma sadia tutunu-hohotuk fo muse nanatunu-hotuk ba'eneu Manetualainboe, fo ela no enok ndia, hataholi Israel fe'ek-kala hapu lakalala'ok hata fo Manetualain paletan tunga Musa.”

2TAWARIKH 5:11

Basa imam manai sila-la, ta ela esa boen laheheleaon soaneu tao feta ndia. Basa manamakameek ma manamakminak sasanu manai leo Lewi-la dalek, fo nde Asaf, Heman, Yedutun ma basa sila teidale-bobongin lala'en-na papaken-ala neme tema abalutu mai. Hataholi Lewi sila-la lapadeik lai mei tunu-hotuk-ka boboan dulu ma ala ho'u simbal ma kecapi. Imam natun esa duahulu fu trompet sama-sama los. Basa manamakameek-kala lakamee de halan-nala da'di halak esa no trompet, simbal sasanu fe'ek-kala liin-nala. Ala lakamee nakameek soaneu Manetualain-na liin-na nae leo ia: “Koa-kio Manetualain nana Ndia malole. Susue-lalain manaketu-basa taak losa dodoon-na.” Nai lelek basa imam-mala kalua leme Manetualain Uman ndia dalek mai boema, no kaiboik Uman ndia henuk no Manetualain mamain-na ndela-sa'an, nalosa ala ta hapu tao feta makaluku-makatele-a fa.

EZRA 6:20

Basa imam-mala, ma hataholi Lewi-la, tao feta tao balisi aok-ka, nalosa lafa'da lae balisi so. Basa boema, hataholi Lewi sila-la do'do bana-manu soaneu tutunu-hohotu Paskah, ba'eneu basa imam-mala, ba'eneu sila boe, ma ba'eneu basa hataholi fo, nanafoo hai fe'ek-kala.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KELUARAN 19:22

Nakalenak, imam-imam fo ala nau mai deka loo Au-a, muse ala tao lalalao-lalalafu aoinan-nala; metema ta soona, neukose Au hukus.”

BILANGAN 9:11

Tehu muse tao feta ndia, nai bula manamaik-ka, fo nai hataholi Yahudi-la bula ka dua-na fain sanahulu haa le'odaen-na. Tao feta faik ndia nenik mi'a paa bi'ilopo Paskah, ma mi'a loti fo ta pake laluteik fa, ma aidoo makahe'duk.