2TAWARIKH 29:5 - Susula Malalaok Hehelu Palak Ma Hehelu Beuk

⁵ de ana kokolak nos. Ana kokolak nae, “Emi, fo hataholi Lewi-la, muse tao malalao-malalafu aoina-mala soaneu Manetualain, ma tao malalao-malalafu emi bei-ba'i kaim Manetualain Uman-na. Basa hata fo manatao nanggenggeo uma ndia, muse tao heok-kasa.

2TAWARIKH 29:5 ပူးပေါင်းရင်းမြစ်များ

1 TAWARIKH 15:12

Dauk nafa'das nae, “Emi nde been-na mauli-malanga teidale-bobongik nai leo Lewi dalek. Hu ndia de, ela leo been-na emi ma hataholi Lewi fe'ek kala tao malalao-malalafu aoina mala fo ela emi hapu laliheok Amak, fo Israel Manetualain na Peti Hehelu-balataan leo mamanak fo au sadia basan so.

2TAWARIKH 29:34

Imam-imam fo manatao nalalao-nalalafu aoina-na ka'da lumaanak nanseli soaneu ali bana sila-la loun-na. Hu ndia de hataholi Lewi-la tulu-falis, nanahu hataholi Lewi-la lilinekan ba'un-na seli neu nakanenetek tao nalalao-nalalafu aoina-ka. Ala tulu-fali lahele losa imam fo manatao nalalao-nalalafu aoina-ka dai.

2TAWARIKH 29:4

Nadenu imam-imam ma hataholi Lewi-la lakabubua lai Manetualain Uman-na so'dan boboan dulu,

2TAWARIKH 35:6

Emi muse do'do bi'ilopo soaneu feta Paskah. Hu ndia de maheheleaom leona, fo ela nandaa sene-do'ok neu Manetualain, ma sadia tutunu-hohotuk fo muse nanatunu-hotuk ba'eneu Manetualainboe, fo ela no enok ndia, hataholi Israel fe'ek-kala hapu lakalala'ok hata fo Manetualain paletan tunga Musa.”

NEHEMIA 12:30

Basa imam, ma hataholi Lewi sila-la, tao feta tao balisik soaneu sila aoinan-nala, basa boema soaneu laun-na, soaneu lelesuina-la ma kota papala nanadaman-na.

NEHEMIA 13:9

Basa boema au adenu fo ela tao feta tao balisi kama sila. Basa ndia boema, au pe'da falik basa tunu-hotu gandum lala'en-na ma boomenik boema Manetualain Uman-na bua-lo'an leo ndia neu.

MAZMUR 93:5

Manetualain, O hoholo-lalanem manaketu-basa tak neme doon losa dodo-na, O Umam-ma malalao-malalafuk, losa dodoon-na.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

YESKIAL 8:3

Ana look hatak esa mai, lupan-na sama leo limak-ka, boema Ana lu'i au langadoong-nga. Basa boema, nai ninitak ndia dalek, Manetualain Duladalen-na, ana so'u namadema au leo lalai neu, de noo au leo Manetualain Uman-na nai Yerusalem, fo leo lelesu masok leo uma so'dan manai dalek-ka neu; lelesu ndia, nasale leo kii neu. Nai ndia, hapu dodoki-dudula sosongo-tatangok fo manatao nafo'a Manetualain nasa melun-na.

YESKIAL 8:6

Boema, Manetualain nafa'da au nae, “Hai hataholi daebafak fo, manasapu-manalalok-konei, O mita beek ana da'di so? Taoafik neu hataholi Israel-la, ala tao tatao-nono'i nanamaluak-ka, fo ela Au dook-ka eme Au Umang-nga mai! Mai fo, Au atu'du o, tatao-nono'ik-kala, ta kandaak lena seluk bai.”

YOEL 2:16

Tao makabubua basa laun-nala lala'en-na, paleta hataholi-la fo lakabubua Madenu lasik-kala, ni'iana-la ma ni'iana manasu'uk-kala, fo ala mai boe. Lena-lenak manaka'bing beuk-kala, muse ala mai boe. Madenus fo ala kalua leme kaman-nala dalek mai.

2 KORINTUS 6:16

Tututi na leo beek nai Manetualain Uma na no Uma sosongo-tatango ka tala'da? Ita ia, Manetualain uman, fo nde Manetualain fo maso'da ka. Manetualain nafa'da nae, “Neukose Au leo nai sila tala'da heon, ma Au aso'da sama-sama os. Neukose Au da'di sila Manetualain, ma neukose sila da'di Au hataholi kamaheheleng.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.