2TAWARIKH 29:34 - Susula Malalaok Hehelu Palak Ma Hehelu Beuk

³⁴ Imam-imam fo manatao nalalao-nalalafu aoina-na ka'da lumaanak nanseli soaneu ali bana sila-la loun-na. Hu ndia de hataholi Lewi-la tulu-falis, nanahu hataholi Lewi-la lilinekan ba'un-na seli neu nakanenetek tao nalalao-nalalafu aoina-ka. Ala tulu-fali lahele losa imam fo manatao nalalao-nalalafu aoina-ka dai.

2TAWARIKH 29:34 ပူးပေါင်းရင်းမြစ်များ

2RAJA-RAJA 12:6

Losa Yoas paleta neu teu ka 23-na te, basa imam-mala, beita tao lahii Manetualain Uman-na nalutun-na boen.

1 TAWARIKH 29:17

Au bubuluk O fola hataholi-a esa-esak dalen ma O mahiik hataholi fo dalen-na isik. No dalek-katematuak ma dalen-namahokok, au fe basa ia-la neu O. Au sakasii basa, tao leo beek de O anam fo manamakabubuak manai ia-la leni fe O sila tutunu-hohotun no dalek-katematuak.

2TAWARIKH 29:33

Sila boeo leni sapi mane natun nee ma bi'ilopo lifun telu soaneu ala tunu-hotun fo basa hataholi manai sila-la la'a sama-sama.

2TAWARIKH 29:5

de ana kokolak nos. Ana kokolak nae, “Emi, fo hataholi Lewi-la, muse tao malalao-malalafu aoina-mala soaneu Manetualain, ma tao malalao-malalafu emi bei-ba'i kaim Manetualain Uman-na. Basa hata fo manatao nanggenggeo uma ndia, muse tao heok-kasa.

2TAWARIKH 30:15

Neu bulak ndia fain sanahulu haa boema, ala do'do bi'ilopo-la fo ala tunu-hotus da'dileo tutunu-hohotu Paskah. Basa imam ma hataholi Lewi fo manatao nalalao-nalalafu aoina beitak-kala, ala mae lanseli. Boema ala tao lalalao-lalalafu aoinan-nala nalosa ala hapu tunu-hotu tutunu-hohotu nanatunuk nai Manetualain Uman.

2TAWARIKH 30:24

Manek Hizkia fe sapi mane lifun esa ma bi'ilopo lifun hitu. Hizkia hataholi mana'a ngga'din-nala fe sapimane lifun esa ma bi'ilopo lifun sanahulu. Ala fe basa bana sila-la leo laun-na neu fo ala do'dos fo la'a. Imam makadotok nanseli tao lalalao-lalalafu aoinan-nala.

2TAWARIKH 35:11

Boema ala do'do bana soaneu feta Paskah; hataholi Lewi-la ali lou-na, ma basa imam-mala pisi bana sila-la daan-na leo mei tunu-hotuk lain neu.

EZRA 6:20

Basa imam-mala, ma hataholi Lewi-la, tao feta tao balisi aok-ka, nalosa lafa'da lae balisi so. Basa boema, hataholi Lewi sila-la do'do bana-manu soaneu tutunu-hohotu Paskah, ba'eneu basa imam-mala, ba'eneu sila boe, ma ba'eneu basa hataholi fo, nanafoo hai fe'ek-kala.

MAZMUR 26:6

Au safe au liman-nga, fo da'di ta'du-tana nae, au salang ta, ma au la'ok okofefeok O mei tunu-hotum, ou Manetualain,

MAZMUR 7:10

Tao mate'e hataholi malelesik-ka tatao-nono'i mangalaun-na, ma matetea-mahehele hataholi malole-a dalen-na nana O Manetualain fo ndoos ma matetuk, ma manafola hataholi daebafak-ka dalen-na ma dudu'a-aafin.

MAZMUR 94:15

De neukose, napadedeik natetu seluk, hoholo-lalanek-ka, nai uma manakee-manafula, neukose basa hataholi manatao tunga ndoon-na, neukose ala sipok-kana.

YESKIAL 44:11

Sila bole lalalau-laoono nai Au Umang dale, ka'da da'di leo hataholi mana'a ngga'di, ma manamanea lelesuina. Sila bole do'do bana-manu, soaneu tutunu-hohotu nanatunuk, ma tunu-hotuk, ma sila hapu bela-ba'uk, soaneu lalalau-laoono salanik-kala.

BILANGAN 18:3

Leo Lewi-a, muse tao natetu sila bela-ba'un soaneu emi, ma lakalala'ok sila bela-ba'un nai Au Lalaa Temang-nga, tehu ala ta bole deka mei tunu-hotuk-ka fa, do ala koila'e bua-lo'a malalao-malalafuk manai Kama Malalao-malalafuk-ka dalek fa. Metema, ala la'olena nakanenetek ndia soona, nau sila do emi boeo, neukose mate basam-mala.

BILANGAN 8:15

O tao basa feta fo fe hataholi Lewi sila-la leo Au mai soona, besak-ka lanuu haak soaneu lalalau-laoono nai Au Lalaa Temang dale.

BILANGAN 8:19

de Au fe hataholi Lewi sila-la leo Harun no anan-nala leu, fo ela lalalau-laoono hataholi Israel-la, nai Au Lalaa Temang dale. Boeo, fo ela loke Au fe do'o do ampon neu leoina Israel-la, fo ela metema ala mai deka lanseli loo mamana malalao-malalafuk ndia soona, soe bodo tuni la'e leoina ndia.”