2TAWARIKH 28:8 - Susula Malalaok Hehelu Palak Ma Hehelu Beuk

⁸ Leomae leondiak boe, hataholi Yehuda-la nde bee na leoina esa loo leoina Israel-la, tehu solda'du Israel-la ho'u-la inak lifun natun dua ma ni'iana-la, de ala foo lenis leo Samaria leu sama-sama loo bua-lo'a nanakalok makadotok nanseli.

2TAWARIKH 28:8 ပူးပေါင်းရင်းမြစ်များ

2RAJA-RAJA 6:22

Tehu Elisa nataa nae, “Bosok. Nana, leomae Ama Manek ho'um-ma, solda'du-la lai musu dale boeo, Ama Manek ta taonisa fas, na muda hata no ia-la bai. Fes la'a-linu, boema nemen-na, fo ala fali le'us leo sila manen-na leu.”

2TAWARIKH 11:4

“Boso matee-matati moo o tolanom hataholi Israel-la. Fali leon-na! Hata manada'di basak-ka nde bee na, Au hihii-nanaung ndia.” Boema basa-basas tunga Manetualain paletan-na de ala ta da'di latee-latati loo Yerobeam fa.

2TAWARIKH 28:11

Mamanene! Te hataholi nanafook ia-la nde bee na, emi tolanom-mala. Da'di madenus fo ala fali le'us. Metema ta soona, neukose Manetualain namanasa fo Ana huku-doki emi.”

2TAWARIKH 28:7

Ahas anamanen fo mana'de Maaseya, Zikhri fo Israel malanga solda'du matuainan esa taonisan. Zikhri boeo taonisa Azrikam fo uma manek-ka manaito-aton, ma Elkana fo manek-ka limaboa konan-na.

HATAHOLI 13:26

Tolano-tolanoong fo Abraham tititi-nonosin, ma basa tolano-tolanoo fe'ek manai ia fo mana mamahele Manetualai na lemin! Manetualain haitua fe ita halak fo manini maso'dak ndia so;

HATAHOLI 7:26

Balahaa boema nita seluk hataholi Israel dua laki'duao, boema ana sanga enok fo ana mole-dame duas. Musa nafa'da duas nae, ‘Emi dua tolanoo kala. Ma tao le'e de emi dua maki'duao?’

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 28:41

Neukose emi hapu anatouk ma ana inak, tehu musu-a ana fo nenis, da'di leo hataholi nanafook, nalosa mopo emi anam-mala.