2TAWARIKH 28:23 - Susula Malalaok Hehelu Palak Ma Hehelu Beuk

²³ Ana tao soe aoinan-na ma laun-na, nanahu ana fe tutunu-hohotuk neu hataholi Siria-la lamatua daebafan-nala, fo manatao kalan-nana. Ana dodoo nae, “Siria lamatua daebafan-nala tulu-fali mane-manek Siria-la so, da'di metema au fes tutunu-hohotuk soona, neukose ala tulu-fali-la au boe.”

2TAWARIKH 28:23 ပူးပေါင်းရင်းမြစ်များ

2TAWARIKH 25:14

Ala sengi basa solda'du Edom-mala boema, Amazia fali no neni hataholi Edom-mala dodoki-dudula sosongo-tatangon, de ana pe'dan nai Yehuda. Boema ana tunu fe dodoki-dudulak sila-la boomenik, de ana sene-do'ok neus.

YESAYA 1:28

Tehu hataholi masala-masingok fo manalena-la'ban Ndia paletan-na, neukose Ana tao namopo-namates, ma basa manala'o ela Manetualain-na, neukose Ana tao namopo-namates.

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YEREMIA 10:5

Dodoki-dudulak sosongo-tatangok sila-la sama leo hataholi nai osi aido dale. Sila ta hapu kokolak fa, ta hapu nggani ein-nala fa, ma muse so'us. Boso bii-mamata'u neus, nana ala ta tao mangalauk neu emi fa; Ta lakatatakak tao malole boen fa.”

YEREMIA 2:25

Israel, o boso muu usi lamatua daebafak-kala, ma boso eki fo maloos, mahani te, neukose o eim-ma nakahina, ma o nggati anam-ma namatuu, nanahu maa ma'dak-ka. O mafa'da mae, ‘Ta, neukose au ta bisa fali fa, nana au sue lamatua daebafak-kala, ma au nau u tungas.’ ”

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

HOSEA 2:7

Neukose, ana usi tou susuen-nala, tehu ana ta dai fas. Neukose ana sangas, tehu ana ta hapu fas. Boema neukose nafa'da nae, ‘Neukose au fali u'ung-nga leo au saotou makasososang-nga u, nanahu au ha'da-tatao makahulung-nga, malole lena neme besak ia mai.’

HABAKUK 1:11

Boema, hataholi fo ala koao-ndaeao lenik be'i-balakain sila-la, ala la'o no lalaik sama leo anin-na.”