2TAWARIKH 28:20 - Susula Malalaok Hehelu Palak Ma Hehelu Beuk

²⁰ Manek Asyur ndia ana mai ta soaneu tulu-fali Ahas fa, tehu soaneu tao susan.

2TAWARIKH 28:20 ပူးပေါင်းရင်းမြစ်များ

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

2RAJA-RAJA 17:5

Basa boema, Salmaneser, fo mane Asyur-ra sapun-na Israel, de nakahapi-na kota Samaria. Nai lelek nakahapi-nan teuk 3,

1 TAWARIKH 5:26

Hu ndia de, Manetualain nakababale Pul, fo manek Asyur-ra dalen-na, boema neu sapu-na nusak ndia. Pul boeo lalelak-kana da'di leo Tiglat-Pileser. Boema leo Ruben, Gad ma leo Manasye fo manai Yarden boboan dulu, nanafook da'di leo hataholi nanafook, de ala tu'us leo Halah, Habor, Hara ma mamanak esa deka no Lee Gozan na. Ala leo lahele lai naa losa faik ia.

2TAWARIKH 30:6

No manek-ka ma hataholi mana'a ngga'din-nala paletan-na, de ladenu hataholi nadedenuk neu leo basa Yehuda ma Israel lala'en-na fo leni susulak sila-la fo isi-liin nae leo ia, “Laun Israel-la lemin! Emi mala hataholi Asyur-ra koasan-na deak so. Ela leo bee na emi mamahele falik neu Amak, Manetualain fo Abraham, Isak ma Yakob sene-do'ok-ka, fo ela Ndia boeo tulu-fali seluk emi.

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YESAYA 30:3

Tehu neukose, manek ndia taon-na dalen-nala ba'ihana, ma ala lamahena hapu nasulu-nahapak neme Masir mai, ta da'di fa.

YESAYA 7:17

Neukose Manetualain fe mane Asyur-ra mai, fo o ma basa o teidalem-mala, boema o laum-mala, neukose lame'da lita fai-faik fo henuk no hahae makase'ek fo lena henin, neme hata fo emi mame'da hain, ndek lelek heaba'e nusa Israel-la ma nusa Yehuda.

YESAYA 7:20

Neukose Manetualain se'ba mane Asyur-ra fo ana tao Israel sama leo tuka nggeu langak, fo ana nggeu heni langadoon-na, ma basa buluk manai aon-na.

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

YEREMIA 2:37

Neukose no dale manaba'ihanak ma mamaek, emi la'oela Masir. Au fo Manetualain ta sipok sila, fo emi masalai emi deam-ma neus fa; neukose emi ta hapu nanalak hata-hata esa boen, neme sila mai.”

YESKIAL 16:28

Tehu o tatao-nono'im sila-la, beita dai fa; o usi mahele hataholi Asyur-ra. Fo o sosoa-piao moos, tehu ala beita tao lamahoko o dalem-ma boen.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.