2TAWARIKH 28:11 - Susula Malalaok Hehelu Palak Ma Hehelu Beuk

¹¹ Mamanene! Te hataholi nanafook ia-la nde bee na, emi tolanom-mala. Da'di madenus fo ala fali le'us. Metema ta soona, neukose Manetualain namanasa fo Ana huku-doki emi.”

2TAWARIKH 28:11 ပူးပေါင်းရင်းမြစ်များ

2TAWARIKH 28:12

Israel lasi nggolon haa fo nde, Azarya fo Yohanan anan-na, Berekhya fo Mesilemot anan-na, Yehizkia fo Salum anan-na ma Amasa fo Hadlai anan-na boeo ala la'ban solda'du manafalik sila-la tataon ndia.

2TAWARIKH 28:8

Leomae leondiak boe, hataholi Yehuda-la nde bee na leoina esa loo leoina Israel-la, tehu solda'du Israel-la ho'u-la inak lifun natun dua ma ni'iana-la, de ala foo lenis leo Samaria leu sama-sama loo bua-lo'a nanakalok makadotok nanseli.

EZRA 10:14

Fe basa ami mauli-malangam, fo manaleo nai Yerusalem-mala loak, fo ala ito-ato dede'ak ndia. Boema metema, hataholi manai ami kotam-mala, saoinan-na neme nusa dea mai soona, muse ana mai nai fai nananaketuk-ka, sama-sama no basa mauli-malangan, ma manakee-manafula, manai esa-esak kotan-na. No enok ndia, neukose Manetualain ta namanasa ita so'on, hu kande dede'ak ndia.”

MAZMUR 88:16

Au doi-doso, ma mamates-sa maku au, neme au anang mai au sota-mangu no lu'a-lepa O huhukum-ma.

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

MATEOS 5:7

Maua-manalek neu hataholi fo mana sue-lai hataholi fe'e ka; nanahu neukose Manetualain sue-lais boe!

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.