2TAWARIKH 25:8 - Susula Malalaok Hehelu Palak Ma Hehelu Beuk

⁸ Tehu metema Ama Manek-ka'da pakes soona, neukose Manetualain po'ilotak musu-a sengi Ama Manek leomae Ama Manek solda'dun-nala mabe'i-balakaik ma palani. Nana ka'da Manetualain mesak-kana nde nanuu koasa fe sesengik do kakalak.”

2TAWARIKH 25:8 ပူးပေါင်းရင်းမြစ်များ

2TAWARIKH 1:12

Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

2TAWARIKH 18:14

Lelek Mikha losa Manek Ahab-pa matan boema, manek-ka natane nae, “Au ma Manek Yosafat-ta bole meu sapu-ma Ramot do ta?” Mikha nataa nae, “Sapu-man! Tao leo bee o Ama Manek neukose hapu buna-boak. Neukose Manetualain fe Ama Manek sengi.”

2TAWARIKH 20:6

de ana hule-haladoi no napane'e hala-na nae, “Ou Amak, fo ami bei-ba'i kaim-mala Manetualain-na! O Manetualain manai nusa so'dak-ka, ma manapaleta basa leoina lala'en-na nai daebafak-ka. O manakoasa ma mabe'i-balakai; ta hapu hataholi esa boen fo nabe'i la'ban O.

2TAWARIKH 26:7

Manetualain tulu-falin de ana sengi hataholi Filistin-nala, ma hataholi Arab fo manaleo lai Guur-Baal boema hataholi Meunim-mala.

AYUB 5:18

Nana, Manetualain nde tao nahe'di, de Ndia boeo, nde puli-namo'do, Ma liman fo manafepa-li'uk-ka, nde tao malole falik-kana.

AYUB 9:13

Manetualain ta nakatatakak nasa-melun, ma dale namahanan-na fa; basa Rahab eila'o-limalopen-nala boeo, lakatele neun.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

MAZMUR 24:1

Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

MAZMUR 33:10

Manetualain tao-na leoina-kala dale tutu'un-nala, ta da'di fa, Ana tao namopo, dale tutu'un-nala.

MAZMUR 33:16

Manek-ka ta sengi, hu kande solda'du makadoton-nala fa, solda'du ta naso'da, hu kande be'i-balakain fa.

MAZMUR 62:11

Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

MAZMUR 89:43

O fe sesengik neu musun-nala, ma O tao-ma musu noon-na, namahoko-setelee.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 9:11

Nai daebafak ia, au bei ita seluk: nai nakasusu'dik-ka dalek, hataholi manamalai lai-laik-ka, ta neni tataas esa fa, nai natee-natatik-ka dalek, hataholi mabe'i-balakaik-ka, ta sengi tataas esa fa. Hataholi manatee-tenok-ka, ana ta hapu tutunga-sasangak tataas esa fa. Ma hataholi dodole maneu-a, ana ta hapu su'i-betes tataas esa fa. Boeo basa hataholi malelaina-la, ta da'di nananita-nalelak tataas esa fa. Nana ua-nale manada'di tak-ka, tuni la'e su'di see boe.

HAGAI 2:8

Basa lilopilas ma lilofulak, manai daebafak ia lala'en-na, nde been-na Au nuung.

MATEOS 26:45

Basa ndia boema, Ana fali seluk leo ana mana tunga nala de nafa'das nae, “Ade emi bei sungu ma emi hahae ao mala do? Fo'a fo mete leona, te fai na losa Ana Hataholi ka nanafek leo hataholi masala-masingo kala, koasa na neu.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

HAKIM-HAKIM 7:7

Basa boema, Manetualain nafa'da Gideon nae, “Neukose Au soi-po'i emi ma Au fe emi sengi hataholi Midian-nala, nenik ka'da hataholi ka natun telu, fo lalamei oe-a neme liman dale mai sila. Madenu fe'ek-kala, fo ala fali le'us leona.”

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”