2TAWARIKH 25:10 - Susula Malalaok Hehelu Palak Ma Hehelu Beuk

¹⁰ Hu ndia de Amazia nadenu falik solda'du nanabaek sila-la, de nadenus fali leus leo sila nusan-na leu. Ala fali le'us boe, tehu no nasak nanseli.

2TAWARIKH 25:10 ပူးပေါင်းရင်းမြစ်များ

2 SEMUEL 19:43

Boema, hataholi Israel-la, lataa lae, “Ami hak soaneu manek-ka, ba'u lena emi hak-ka la'i sanahulu, leomae manek-ka nde been-na, emi tia-laim. Tao le'e de, emi makadadaek ami? Boso mafandele henin te, ami nde mafa'da makasososa fo loo falik manek-ka!” Tehu hataholi Yehuda-la latea lena heni hataholi Israel-la, de ala ta nau kala fa.

1RAJA-RAJA 12:24

“Boso matati moo o tolanom Israel. Fali leon! Hata manada'di basa ka nde been-na Au hihii-nanaung ndia.” Boema sila basa-basas tunga Manetualain paletan-na, de esa-esak fali ne'un leo ndia uman-na neu.

2TAWARIKH 25:11

Amazia napalalani ao de noo solda'dun-nala leo Bafak Asin leu. Nai naa, latee-latati boema ala taolisa solda'du Edom lifun sanahulu.

2TAWARIKH 25:9

Amazia natane nae, Tehu tao leo beek no basa lilofulak fo au fe basan neu sila so? Nabi ndia nataa nae, “Manetualain bisa fe falik Ama Manek lena neme ndia mai!”

AMSAL 29:22

Hataholi fo, namanasa lai-lai-a, taon-na hataholi ba'uk-ka lale'a-lapilik, fo lasala-lasingo.