2TAWARIKH 24:7 - Susula Malalaok Hehelu Palak Ma Hehelu Beuk

⁷ Hataholi manatunga Atalya, fo ina mangalauk ndia, tao nalutu Manetualain Uman-na so, ma bua-lo'a makadotok fo nanafe hehelik soaneu Manetualain-na, ala pakes soaneu sene-do'ok neu Baal-la so.)

2TAWARIKH 24:7 ပူးပေါင်းရင်းမြစ်များ

2RAJA-RAJA 11:1

Lelek Atalya bubuluk, nae anan Mane Ahazia, maten so boema, ana paleta, fo ela taonisa la'iesak Ahazia teidalen-nala lala'en-na.

2RAJA-RAJA 12:4

Faik esa boema, Yoas naloo basa imam-nala, de nadenus, fo ala pe'da doik fo, ala hapus neme tutunu-hohotuk nai Manetualain Uman, nau doik fo nanaba'ek, nai lelek ala tao feta tutunu-hohotuk, do doi fee-feek, fo hataholi-a fe no dale hihii-nanau mesan-na.

2TAWARIKH 21:17

Ala sapu-la Yehuda, de ala kalo manek-ka uma manen-na, boema loo la'iesak Yehoram sao anan da'di leo hataholi nanafook, ela ka'da Ahazia fo anamane mulin-na.

2TAWARIKH 24:4

Yoas paleta teuk de'ubee dalen-na boema, ana naketu soaneu tao nahii Manetualain Uman-na.

ESTER 7:6

Boema Ina Manek Ester-ra nataa nae, “Haman, fo dale mangalauk ndia nde ana musu, ma ana fepa-li'u ami-a!” Haman nanganalo manek-ka, ma ina manek-ka no bibii-namata'uk nanseli.

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

HOSEA 2:10

Neukose, Au o'du akaholak-kana, nai basa tou susuen-nala matan. Ta hapu sila hataholin esa boen, bisa soi-po'in neme Au koasang-nga mai fa.

HOSEA 2:13

Neukose Au hukun, nanahu ana pake fai-faik-kala, soaneu tunu boomenik fe Baal, boema ana balias aoinan-na nenik lilo-henu, fo neu usi tou susuen-nala, boema nafandele heni Au makandondook. Au, Manetualain, kokolak ae leondia.”

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.

HAKIM-HAKIM 2:11

Basa boema, hataholi Israel-la, lasala-lasingo neu Manetualain. Ala ta sene-do'ok seluk neu Manetualain, fo sila bei-ba'i kain-nala Manetualain-na, fo nde Manetualain, fo nos kalua leme Masir mai-a. Ala mulai sene-do'ok neu Baal-la, ma Asytoret boema lamatua daebafak fe'ek fo leoina manai sila titia-tatain-nala, sene-do'ok-ka. Boema, Manetualain namanasas, de Ana po'ilotak hataholi mangalauk-kala sapu-lalas, de lamanako leni hata-heton-nala. Ta lapalani lasasalematak loo musu-musu manai titia-tatain-nala fa.