2TAWARIKH 24:27 - Susula Malalaok Hehelu Palak Ma Hehelu Beuk

²⁷ Tutui fe'ek la'eneu Yoas anan-nala, la'eneu hala neneuk ta malole la'eneun, ma la'eneu tao leo beek fo ana tao nahii Manetualain Uman-na, basa-basas nanasulak nai mane-manek-kala Susulan Manamafa'da Mangalele'don dale. Amazia, fo Yoas anamanen-na, nggati aman da'di manek.

2TAWARIKH 24:27 ပူးပေါင်းရင်းမြစ်များ

2RAJA-RAJA 12:18

Boema, Yoas haitua fe Hazael doik, fo boso neu sapu-na Yerusalem. Ana hapu doik sila-la, neme basa tutunu-hohotuk, fo makahulun-na Yoas, ma Yosafat, Yoram boema Ahazia, fo manek sila-la, ala paleta lakahuluk neme Yoas mai. Manek sila-la, ala fe basa doik sila neu Manetualain so. Yoas fe basa lilopilas manai kas, fo nai Manetualain Uman dale, ma manai manek-ka uma manen-na boe. Hu ndia de, Hazael ta da'di sapun-na Yerusalem fa.

2TAWARIKH 13:22

Tutui fe'ek la'eneu Abia, ma la'eneu basa hala-kokolan ma tatao-nono'in nanasula basak nai Nabi Ido-na susula Tutuin dale so.

2TAWARIKH 16:11

Basa manada'dik manai Asa paletan-na dalek neme makasososan-na losa mate'en-na nanasula basak nai Mane-manek Yehuda ma Israel-la susula Tutuin dale so.

2TAWARIKH 20:34

Tutui fe'ek la'eneu Yosafat, neme paleta makasososan-na losa mate'e-na, nanasulak nai Yehu fo Hanani anan-na susula tutuin dale, de basa boema, ala sulak-kana leo Mane-manek Israel-la susula Tutuin dale neu.

2TAWARIKH 24:12

Basa boema manek-ka ma Yoyada fe doik sila-la leo hataholi manamalanga Manetualain Uman-na tao nahiin ndia. Boema hataholi Lewi sila-la bae tuka batu, tuka ai, ma tuka liti soaneu tao-no'i tatao-nono'ik ndia.

2TAWARIKH 24:26

Hataholi manatao nakabubua makahatuk fo manala'ban-nana nde bee na nde Zabad, fo Simeat ina Amon-na anan-na, ma Yozabad, fo Simrit ina Moab-pa anan-na.)

2TAWARIKH 25:1

Amazia da'di manek nai lelek teun duahulu lima, de ana paleta nai Yerusalem teuk duahulu sio dalen-na. Inan nde Yoadan neme Yerusalem mai.

2TAWARIKH 9:29

Tutui fe'ek la'eneu Salomo paletan-na neme makasososan-na losa mate'en-na, nanasula basak nai Nabi Natan-na susula bei-ba'in dale ma nai Ahia fo hataholi Silo ndia susula Nafa'da elan dale ma nai Nabi Idon-na susula Ninintan dale, fo nai ndia boeo nanasulak tutuik la'eneu Yerobeam fo manek Israel-la paletan-na.