2TAWARIKH 24:24 - Susula Malalaok Hehelu Palak Ma Hehelu Beuk

²⁴ Solda'du Siria-la dede'un-na ka'da lumanak mesan, tehu Manetualain po'ilotak-kasa sengi solda'du Yehuda-la fo dede'un-na makadotok nanseli, nanahu hataholi Yehuda-la ta taoafik neu Amak fo sila bei-ba'i kain Manetualain-na fa. No enok ndia, Manetualain huku Manek Yoas-sa.

2TAWARIKH 24:24 ပူးပေါင်းရင်းမြစ်များ

2RAJA-RAJA 12:17

Nai tepo-lelek ndia, Hazael, fo mane Siria, ana sapun-na kota Gat-ta, de nangatuu-nan. Boema, ana tutu'u seluk, fo neu sapu-na Yerusalem boe.

2TAWARIKH 16:7

Nai lelek ndia Nabi Hanani mai leo Manek Asa mai de nafa'da nae, “Hu kande o masalai o deam-ma neu manek Siria, te ta neu o Manetualain fa, de mopo o le'do-fai maloam-ma soaneu o sengi manek Israel-la.

2TAWARIKH 22:8

Lelek Yehu bei nakalala'ok Manetualain huhuku-dodokin neu teidale-bobongik ndia te, natongon-no Yehuda hataholi matua-mademan mangalauk bubuak esa, ma Ahazia tolanoon-nala anan-nala nde tunga nai donge-damak ndia dalek-ka. Boema Yehu taonisa la'iesa-kasa.

2TAWARIKH 24:20

Boema Manetualain Dula dalen-na koasan-na Zakharia fo Imam Yoyada anan-na. Zakharia napadeik neu laun-na matan, boema naloo bou-bou nae, “Manetualain nafa'da nae, ‘Taole'e de emi ta tunga Au paletang-ngala fa, ma emi tao soe fe emi aoinam-ma. Emi ta taoafik neu Au fa, de Au boeo ta taoafik neu emi boen!’ ”

2TAWARIKH 28:5

Hu kande Manek Ahas-sa nasala-nasingo, de Manetualain po'ilotak manek Siria sengin, de ana foo neni hataholi Yehuda makadotok nanseli da'di leo hataholi nanafook leo Damsyik neu boe. Manetualain boeo po'ilotak Manek Pekah fo Remalya neme Israel anan-na segin, de nai faik esa dalen-na ana taonisa Yehuda solda'du palanin lifun natun esa duahulu. Sila bei-ba'i kain Manetualain po'ilotak basa sila-la da'di, nanahu Yehuda laun-nala ta taoafik neu Manetualain so'on.

YESAYA 13:5

Ala mai leme nusa dook fo manai daebafak-ka bu'u-bu'un-nala mai. Manetualain pakes nai nasa-melun-na dalek, fo ala tao lamopo-lamate daebafak-ka lala'en-na.

YESAYA 30:17

Metema musu-a hataholin esa, ana fe nasanene'da mahelek soona, neukose hataholi lifun esa lalai, ma metema hataholi lima fe nasanene'da mahelek soona, neukose emi basa-basam-mala malai. Neme emi solda'dum-mala mai, ela ka'da dii dedeo esa nai pupukuk lain.

YEREMIA 37:10

Leounik-ka emi tao makala la'iesak soloda'du Babel-lala, de nalosa elak-kala ka'da hataholi fo hina-nala matuina-la nai lala teman-na dalek, tehu ala fo'a de ala hotuheni basa kota ia.’ ”

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

IMAMAT 26:37

Neukose emi malai, fo esa nakatunu seluk esa ein-na, leomae ta hapu hataholi usi emi fa. Ma neukose, emi ta la'ban mabe'i emi musum-mala fa.

IMAMAT 26:8

Ka'da no hataholi lima mesak-kana, emi bisa sengi hataholi natun esa, ma ka'da no hataholi natun esa, emi bisa sengi hataholi lifun sanahulu.

HABAKUK 1:12

Manetualain, O nde been-na Manetualain neme makahulun eli mai. O nde been-na au Manetualaing fo malalao-malalafuk, ma manaketu basa tak. Manetualain fo au Manetualaing ma au manamasulu-mahapang; O hele leoina Babel ndia, de O fen be'i-balakaik fo ana huku ami.

ZEFANYA 1:2

Manetualain nafa'da nae, “Neukose, Au tao amopo-amate basa hata manai daebafak-ka lala'en-na:

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.